Znajści
Ałharytmičny łacinski varyjant
01.04.2023 / 13:282RusŁacBieł

SBU aficyjna vystaviła abvinavačvańni mitrapalitu Paŭłu. Sprava była zaviedzienaja na padstavie prasłuchoŭvańnia telefona

Słužba biaśpieki Ukrainy vypuściła aficyjny pres-reliz ab kryminalnych spravach, zaviedzienych u dačynieńni da namieśnika Kijeva-Piačerskaj łaŭry mitrapalita Paŭła.

Mitrapalit Pavieł. Skrynšot videa

Jaho padazrajuć u raspalvańni mižrelihijnaj varožaści, apraŭdańni i admaŭleńni ŭzbrojenaj ahresii Rasii suprać Ukrainy, piša Bi-bi-si.

«Ustanoŭlena, što Lebiedź u svaich publičnych vystupach nieadnarazova abražaŭ relihijnyja pačućci ŭkraincaŭ, prynižaŭ pohlady viernikaŭ inšych kanfiesij i sprabavaŭ sfarmavać varožyja nastroi da ich, a taksama rabiŭ zajavy, jakija apraŭdvajuć abo admaŭlajuć dziejańni krainy-ahresara. Heta paćvierdziła i inicyjavanaja Słužbaj biaśpieki sudova-linhvistyčnaja ekśpiertyza», — havorycca ŭ zajavie viedamstva.

SBU taksama apublikavała zapisy pierachoplenych razmoŭ, u jauich mitrapalit Pavieł stanoŭča vykazvajecca pra akupacyju Chiersona rasijskimi vajskoŭcami i prosić malicca za Patryjarcha Kiryła.

«Zakon i adkaznaść za jaho parušeńnie adnolkavyja dla ŭsich, a ryza nie zaŭsiody źjaŭlajecca załoham čystych namieraŭ. Siońnia vorah sprabuje vykarystoŭvać carkoŭnaje asiarodździe dla prasoŭvańnia prapahandy i raskołu ŭkrainskaha hramadstva», — havorycca ŭ zajavie.

Pradstaŭniki UPC (da niadaŭniaha času — Maskoŭskaha patryjarchatu) zajaŭlajuć, što razarvali suviazi z rasijskaj carkvoj.

U subotu ranicaj, vystupajučy pierad svaimi prychilnikami, Pavieł zajaviŭ: «Toje, što zrabiŭ Pucin, nijak nie apraŭdvajecca. Ja zaŭsiody stajaŭ, staju i budu stajać na abaronie svajoj krainy, svajoj Radzimy».

Čytać taksama:

U namieśnika Kijeva-Piačerskaj Łaŭry pravodziać vobšuk. Jamu ŭručyli padazreńnie

Va UPC pryhrazili Zialenskamu «božaj karaj» z-za vysialeńnia manachaŭ z Kijeva-Piačerskaj łaŭry

UPC Maskoŭskaha patryjarchatu admaŭlajecca sychodzić z Kijeva-Piačerskaj łaŭry

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
23
Панылы сорам
0
Ха-ха
0
Ого
1
Сумна
3
Абуральна
0
2
Pravasłaŭnaja pani/adkazać/
01.04.2023
Usim heta było vidavočna, ale dobra, što jość i dokazy.
0
Prostaja praŭda/adkazać/
02.04.2023
Hety «mitrapalit» i «manach» maje mianušku: «Mersedes Pavał», bo jon duža lubić darahija samachody, choć i daŭ zarok biednaści. Jon nie byŭ aryštavany, bo jon prapaviedavaŭ Evanhielle Isusa Chrysta. Jaho aryštavali bo jon prapaviedavaŭ niechryścijanskuju fašysckuju, impieryjalistyčnuju, militarysckuju ideałohiju «russkoho mira» j padtrymlivaŭ niespravakavany, niezakonny j žorstki napad Rasiei na Ŭkrainu.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930