Słuckaje vydańnie «Infa-Kurjer» zakryła svoj telehram-kanał
Redaktaraŭ rajonnaj haziety Słucka niadaŭna aryštoŭvali.
Aleh Rubčenia i Siarhiej Stankievič
U svaim telehram-kanale «Infa-Kurjer» paviedamiŭ, što bolš nie budzie jaho abnaŭlać.
«Jašče raniej my spynili mahčymaść kamientavańnia ŭ čacie. Bolš na kanale i ŭ čacie abnaŭleńniaŭ nie budzie. Dumajem, niejkija šmatsłoŭnyja tłumačeńni pryčyn buduć niedarečnymi.
Prosim: kali łaska, nie źbivajciesia sa šlachu humanizmu, spahady, pavahi, imknieńnia da miru i realnaha infarmavańnia, a nie prapahandy i manipulacyj. Tamu prytrymlivajciesia toj darohi, pa jakoj idziom my», — napisała vydańnie ŭ telehram-kanale.
Sama hazieta praciahnie vychodzić.
Nahadajem, 15 sakavika ŭ redakcyi vydańnia byŭ pieratrus. Redaktar «Infa-Kurjera» Siarhiej Stankievič i jaho namieśnik Aleh Rubčenia adbyli 15 sutak aryštu nibyta za «niepadparadkavańnie».
Hazietu admaŭlalisia brać u kijoski.
Vyjšli na svabodu paśla 15 sutak aryštu redaktary słuckaha «Infa-kurjera»
