Homiel upryhožać «vadaspadami» z trapičnych raślin
Sioleta ŭ Homieli źbirajucca vysadzić kala paŭmiljona kvietak bolš čym 20 vidaŭ, abiacajuć haradskija ŭłady. A dla viertykalnaha azielanieńnia ŭpieršyniu vykarystajuć takuju raślinu, jak dychondra.
Upryhožyć horad «vadaspadami» z trapičnaj raśliny prapanavali łandšaftnyja dyzajniery z profilnaha pradpryjemstva «Čyrvony hvaździk», piša miascovaje vydańnie «Biełka».
Travianistaja lijana dobra spałučajecca z raspaŭsiudžanymi ŭ Homieli pietunijami, maje ŭstojlivy imunitet da zachvorvańniaŭ i kamfortna siabie adčuvaje ŭ haradskim asiarodździ, adznačajuć śpiecyjalisty pradpryjemstva.
Śćviardžajuć, što ŭ ciaplicach «Čyrvonaha hvaździka» ŭžo vyhadavali bolš za 1000 sadžancaŭ dychondry adnahadovych hatunkaŭ, u asnoŭnym smarahdavaha adcieńnia. U mai imi ŭpryhožać homielski praśpiekt Pieramohi, ujezd u mikrarajon Navabielica, Rečycki praśpiekt i inšyja miescy horada.
Viadoma, heta buduć nie piacimietrovyja lijany, a mienavita takich pamieraŭ dasiahaje dychondra ŭ žyvoj pryrodzie. U homielskich realijach parastki raśliny dasiahnuć tolki 50-70 santymietraŭ.
Čytajcie taksama:
Čaramša — skarbnica vitaminaŭ. Voś što ź jaje možna hatavać i jak vyroščvać
Jak pravilna abrazać hartenziju. I čym jana moža być karysnaja, akramia charastva
