U Maskvie zatrymali biełarusa z žonkaju za zapusk u nieba bieła-błakitna-biełaha ściaha
Jak paviedamlajuć rasijskija kanały, u Maskvie zatrymali muža i žonku, jakich vinavaciać u tym, što jany zapuścili ŭ nieba šary ź bieła-błakitna-biełym ściaham, jaki ličycca ściaham rasijskaj apazicyi.
Zdymak zatrymanaj pary publikujuć rasijskija kanały
«Baza» piša, što zatrymanyja 34-hadovy hamialčuk Dźmitryj H. z žonkaj Julijaj.
Pavodle SHOT, hramadzianin Biełarusi z žonkaj pryjechali da sažałki ŭ Paŭnočnym Čartanavie na aŭto, dastali z bahažnika šary, muž ich zapuściŭ, a žonka zdymała na telefon. Paśla hetaha para chutka źnikła ź miesca. Ale ich zatrymali. Ciapier ź imi pracujuć siłaviki.
Ściah byŭ zapuščany 22 maja nad rajonam Čartanava. Videa z akcyi zapościli taksama ŭ kanale Lehijona «Svaboda Rasii», jaki ŭ hety dzień pačaŭ dyviersijnuju akcyju ŭ Biełharadskaj vobłaści Rasii.
Čytajcie taksama:
Ukraincy zachapili pamiežny punkt, padyšli da horada Hrajvarana ŭ Biełharodskaj vobłaści
