Jak ułasnaručna zrabić majanez dy inšyja zapraŭki dla sałaty

Fota: Vecteezy

Kab samomu pryhatavać majanez, spatrebicca:

• 1 jaječny žaŭtok,
• 1 stałovaja łyžka harčycy,
• 1 stałovaja łyžka chałodnaj vady,
• 1 čajnaja łyžka vocatu,
• 225 mł luboha aleju, jaki nie kisłotny i nie ščołačny,
• 25 mł aliŭkavaha aleju,
• sol.

Jak hatavać:

1. Vykarystoŭvajcie pahružny błendar. U bolšaści kuchonnych kambajnaŭ składana pryhatavać nievialikuju kolkaść majanezu, bo ich abjom zanadta vialiki dla takoj małoj kolkaści inhredyjentaŭ. Adnak heta našmat praściej zrabić pahružnym błendaram, kali ŭ vas jość słoik abo zban, jaki tolki trochi šyrejšy, čym hałoŭka błendara. Kali jomistaść zanadta šyrokaja, buduć prablemy.
2. Spačatku pakładzicie ŭ zban 1 ci 2 jaječnyja žaŭtki. Kali vy chočacie atrymać nasyčany majanez ź jaječnym smakam, biarycie dva jaječnyja žaŭtki; dla bolš lohkaha vykarystoŭvajcie cełaje jajka. Što b vy ni abrali, jano pavinna patrapić u zban pierad alejem.
3. Dadajcie lubyja aramatyzatary i trochi vady. Heta moža być dyžonskaja harčyca + bieły vinny vocat, ale padydzie lubaja harčyca i vocat, a taksama zubčyk razdušanaha časnaku, nievialiki pučok drobna narezanych miakkich traŭ i h. d. Plus stałovaja łyžka chałodnaj vady, jakaja dapamoža składnikam źjadnacca.
4. Vylicie alej na žaŭtki.
5. Pakińcie sumieś na 30 siekund. Zatym apuścicie błendar na dno zbana, nad žaŭtkom, i ŭklučycie. Źmiešvajcie, trymajučy błendar prycisnutym da dna, pakul nie ŭbačycie, jak bieły majanez pačynaje ŭspušvacca źnizu, paśla čaho vy možacie vielmi pavolna pačać padymać hałoŭku ŭvierch pa zbanie, praciahvajučy źmiešvać, pakul uvieś alej nie rastvorycca.
6. Prablemy? Nie panikujcie! Kali vaš majanez vadki i z kamiakami, pakińcie jaho na niekalki chvilin, a zatym pavolna paŭtarycie apisany vyšej praces. Kali heta taksama nie spracuje, nalicie paru stałovych łyžak chałodnaj vady ŭ novy zban ź nievialikaj kolkaściu vašaj sumiesi, zatym paŭtarycie, pastupova dadajučy reštu, pakul usio nie źmiašajecca.
7. Zapraŭcie majanez jak žadajecie. Akramia narezanych traŭ (naprykład, čaramšy), vy možacie dadać ciortuju cedru cytrusavych, vendžanuju papryku abo parašok kary. Abo zrabić tartar-sous, kali dadaścio drobna narezanyja kapiersy, cybulu-šałot, piatrušku i karnišony. Mahčymaści amal biaźmiežnyja.

Fota: Pixabay

Kali vy chočacie raznastaić smak sałaty, ale majanez vam nie padabajecca, pasprabujcie inšyja prostyja sousy — naprykład, kłasičnuju zapraŭku dla sałaty z vocatam ci limonnym sokam. Heta tradycyjnaja sumieś tłušču i niejkaj kisłaty — zvyčajna aleju + vocatu abo cytrusavaha soku — plus sol i pierac na vaš hust. Bazavyja suadnosiny — heta zvyčajna try častki aleju na adnu častku kisłaj vadkaści (naprykład, 3 stałovyja łyžki aliŭkavaha aleju na 1 stałovuju łyžku vocatu) — takoj zapraŭki chopić na adzin-dva sałaty. Adnak hetaja formuła źjaŭlajecca bolš aryjenciram, čym absalutnym praviłam, tamu, kali vy lubicie vocat abo cytrusavyja, to možacie źmiešvać tłušč dy kisłatu i ŭ inšych praporcyjach.

Dla bolš aryhinalnaha smaku možna dadać inšyja składniki, naprykład:

• zdrobnienuju cybulu-šałot abo časnok,
• zdrobnienyja śviežyja ci sušanyja travy,
• harčycu,
• padsałodžvalniki, takija jak miod, klanovy sirop, kakosavy cukar ci niektar ahavy.

Abo abiarycie adnu z hetych kambinacyj i adrehulujcie pa smaku, mianiajučy składniki pa svaim žadańni:

• aliŭkavy alej + balzamičny vocat + smažany časnok,
• alej avakada + sok łajma + siečanaja kinza,
• aliŭkavy alej + limonny sok + mołataja harčyca + zdrobnienaja cybula-šałot,
• kunžutny alej + rysavy vocat + apielsinavy sok + miod.

 Čytajcie jašče:

Čym karysnaja sparža, jak jaje vybrać i što ź jaje možna pryhatavać 

Jak vybrać syr: jaki samy karysny, a jakoha lepiej paźbiahać

Jačedžan — chrumstkija karejskija bliny z harodninaj, jakija padymuć vam nastroj

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

9

1

1

3

1

5