Najlepšym filmam Kanskaha kinafiestyvalu stała «Trajektoryja padzieńnia»

«Trajektoryja padzieńnia» Žuścin Tryje — historyja pra niamieckuju piśmieńnicu, jakaja žyvie ŭ Alpach sa svaim francuzskim mužam i synam-padletkam, jaki straciŭ zrok u avaryi. U adzin momant jaje muž vypadaje z akna i pamiraje. Paśla hetaha žančynu sudziać jak hałoŭnuju padazravanuju.

Hran-pry fiestyvalu atrymała karcina «Zona intaresaŭ» Džonatana Hlejziera, źniataja pa matyvach adnajmiennaha ramana Marcina Emisa.

Pryz žury ŭziała stužka «Apałaje liście» režysiora Aki Kaŭryśmiaki.

Astatnija tryumfatary:

• Najlepšaja režysura — Čan Ań Chun («Rahu Dadena Bufana»).
• Najlepšy scenaryj — Judzi Sakamota, «Monstr» (režysior Chirakadzu Kareeda).
• Najlepšaja mužčynskaja rola — Kodzi Jakuse («Vydatnyja dni», režysior Vim Vienders).
• Najlepšaja žanočaja rola — Merve Dyzdar («Pra suchuju travu», režysior Nury Bilhie Džejłan).

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH