Znajści
Ałharytmičny łacinski varyjant
28.05.2023 / 11:164RusŁacBieł

Błohier pamior paśla taho, jak u žyvym efiry TikTok vypiŭ siem butelek kitajskaha ałkaholnaha napoju Baijiu

Jon pajšoŭ na heta z-za projhryšu ŭ čelendžy.

Błohier pa proźviščy Van pad nikam Sanqiange pje Baijiu padčas žyvoha efiru ŭ Douyin, kitajskaj viersii TikTok. Skrynšot žyvoha efiru Douyin

Kitajski błohier pamior paśla praźmiernaha ŭžyvańnia ałkaholu padčas žyvoha efiru. Pra heta 27 maja paviedamiła ahienctva CNN sa spasyłkaj na miascovyja kitajskija ŚMI.

34-hadovy mužčyna pa proźviščy Van byŭ papularnym strymieram u kitajskaj viersii tyktoka Douyin, dzie pad nikam Sanqiange rehularna zdymaŭ čelendžy na svaim kanale. 16 maja jon pryniaŭ vyklik inšaha błohiera ŭ papularnym čelendžy «PK», dzie ŭdzielnikam treba spaborničać pamiž saboj u žyvym efiry ŭ roznych zadańniach dziela padarunkaŭ ad hledačoŭ pry kožnaj pieramozie.

Za kožny projhryš hulcam, naadvarot, naležała pakarańnie, a tak jak Vanu zusim nie ščaściła, to jon u jakaści pakarańnia pa ŭmovach čelendžu vypivaŭ pa butelcy Baijiu («Bajdzioŭ», ci dasłoŭna «bieły ałkahol») — kitajskaha śpirtnoha napoju z macunkam ad 30% da 60%, jaki vielmi nahadvaje pa smaku harełku.

Mužčyna vypiŭ tady nie mienš za siem butelek takoha napoju, i ŭžo praz 12 hadzin paśla strymu byŭ znojdzieny miortvym.

«Ja nie viedaju, kolki jon vypiŭ da taho, jak ja padklučyŭsia da efiru. Ale ŭ apošniaj častcy videa ja bačyŭ, jak jon vypiŭ try butelki, a zatym nakinuŭsia na čaćviortuju», — raspavioŭ adzin ź siabroŭ Vana.

Sama sacsietka Douyin užo zabaraniała ŭžyvańnie ałkaholu padčas žyvych tranślacyj, pry hetym pakarańni varjirujucca ad papiaredžańniaŭ da abmiežavańnia dostupu karystalnikaŭ da svajho akaŭnta. Vanu raniej užo było zabaroniena karystacca sacsietkaj praz užyvańnie ałkaholu. Ale jon abychodziŭ heta, stvarajučy novyja ŭlikovyja zapisy. U jaho apošniaha akaŭnta było bolš za 44 000 padpisantaŭ.

Hramadstva Kitaja zaniepakojena ŭpłyvam takich čelendžaŭ, bo heta daloka nie pieršy vypadak śmierci. U 2021 hodzie adzin błohier pamior ad taho, što jeŭ na svaich tranślacyjach vialikuju kolkaść ježy. A inšy strymier zahinuŭ z-za taho, što ŭ žyvych efirach užyvaŭ šmat ałkaholu i aleju.

Čytajcie taksama:

«U płanie mužčynskaj uvahi ja raśpieščanaja». Hetaja biełaruskaja futbolnaja fanatka źbiraje tysiačy prahladaŭ u instahramie

Ałkahol škodny. Ale ŭ małych dozach ratuje ad demiencyi

Jak pieražyć pachmielle. Upeŭnienyja, vy robicie pamyłki

Mark Rychter

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
42
Ха-ха
7
Ого
4
Сумна
7
Абуральна
7
6
Oleh/adkazać/
28.05.2023
Apiać ža paŭtarusia što ad marychuany nichto nie zahinuŭ .Trolli choć i pryznajuć škodu ałkaholu,adnak nie vystupajuć za jaho zabaronu.
2
rom/adkazać/
28.05.2023
priekrasnyje čiellendži!!! chorošij jestiestviennyj otbor
1
Praŭdarub/adkazać/
28.05.2023
Pračcie, ale vyraz “kitajskaja vriesija TikTok hučyć niejak dziŭnavata, bo TikTok taksama kitajski
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera