Znajści
Ałharytmičny łacinski varyjant
28.05.2023 / 08:123RusŁacBieł

Indyjski čynoŭnik asušyŭ vadaschovišča, kab znajści svoj mabilny telefon

Skandalnaja historyja adbyłasia ŭ indyjskim štacie Čchatysharch. Miascovy čynoŭnik Radžeš Višvas rabiŭ padčas adpačynku sełfi na niadaŭna kupleny telefon i nieaściarožna ŭpuściŭ pryładu, jakaja ŭpała ŭ vadu. Sproby vyratavać telefon urešcie kaštavali čynoŭniku pasady, paviedamlaje vydańnie The Indian Express.

Radžes Višvas na vadaschoviščy. Fota: indianexpress.com

32-hadovy Radžeš Višvas u niadzielu, 21 maja, adpraviŭsia ź siabrami na piknik na vadaschovišča Parałkot. Kali jon rabiŭ sełfi, to vypadkova telefon upaŭ u vadajom hłybinioj 10 futaŭ (kala 3,5 mietra).

Kamientujučy paźniej situacyju The Indian Express, čynoŭnik vykłaŭ svaju viersiju taho, što adbyłosia dalej: «Tak jak ja miascovy, to niekatoryja viaskoŭcy, jakija dobra ŭmiejuć płavać, nyrali, kab znajści moj telefon. Dva dni šukali. Kali da aŭtorka nie zmahli jaho znajści, jany prapanavali źlić vadu na niekalki futaŭ. Ja skazaŭ, što telefon užo sapsavany, ale miascovyja žychary, jakija sa mnoj u dobrych adnosinach, nastojvali, što znojduć jaho dla mianie».

Paśla taho čynoŭnik, pa jaho słovach, patelefanavaŭ adkaznamu supracoŭniku Departamienta vodnych resursaŭ, jaki daŭ vusny dazvoł na spusk vady. Paśla hetaha była arandavana dyzielnaja pompa, pry dapamozie jakoj ciaham dvuch dzion z reziervuara źlili šmat vady.

Telefon u paškodžanym stanie ŭrešcie znajšli i pieradali Višvasu, ale heta jaho kali i paradavała, to niadoŭha. Bo vyšejšaje načalstva, kali daviedałasia pra situacyju, paličyła, što nivodnaja słužbovaja asoba nie moža takoje rabić samastojna biez papiaredniaha dazvołu.

U vyniku Višvas byŭ adchileny ad svajoj pracy. Taksama jamu, jak i tamu supracoŭniku, što daŭ dazvoł na spusk vady, daviadziecca, vidać, kampiensavać naniesienyja straty.

Pry hetym, jak paviedamlajecca, Radžeš Višvaš užo adchilaŭsia ad pasady ŭ 2021 hodzie za złoŭžyvańni pry raźmierkavańni rysu, ale tady jamu daravali. 

Telefon Samsung S23 ultra, z-za jakoha čynoŭnik achviaravaŭ pasadaj, jak paviedamlajecca, kaštavaŭ 95000 indyjskich rupij (kala 1150 dalaraŭ ZŠA).

Čytajcie taksama:

U Japonii jutubiera aryštavali za spojler da videahulni. Takoje adbyłosia ŭpieršyniu ŭ historyi

«Čajki i spajs — nie vielmi dobraje spałučeńnie». U Vialikabrytanii ptuški pačali kraści spajs i abkuranymi napadać na ludziej

Kitajskaja kampanija paprasiła supracoŭnic pajści ŭ dekret pa čarzie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
4
žachi indyi/adkazać
28.05.2023
Jaki moža być piknik na śmiardziučym vadachraniliščy dzie mojuć nohi, aparažniajucca i skidvajuć mierćviakoŭ
2
Aleks/adkazać
28.05.2023
U Biełarusi poŭna takich vadajomaŭ i ničoha , ładziać pikniki, kupajucca.
0
žachi indyi/adkazać
28.05.2023
Aleks, vuń hladzi kanalizacyjnaja truba tam idzie, zlivajuć niečystoty prama ŭ vadu, dzie ty takoje u Biełarusi bačyŭ ?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera