Znajści
Ałharytmičny łacinski varyjant
29.05.2023 / 08:003RusŁacBieł

U Pavietranych siłach raskazali, kolki F-16 treba Ukrainie dla pieravahi nad voraham

Dla pieravahi nad voraham u pavietry na kankretnym napramku Ukrainie nieabchodna pa mienšaj miery 3-4 eskadrylli samalotaŭ F-16 pa 12-16 adzinak. Pra heta paviedamiŭ načalnik avijacyi kamandavańnia Pavietranych sił USU Siarhiej Hałubcoŭ u intervju prajektu «Danbas Realii». 

«Kali my razumiejem, što suprać nas hrupoŭka, skažam tak, 50 eskadryllaŭ, i 39 aeradromaŭ, ź jakich jany vykonvajuć zadačy, viadoma, nam chaciełasia b bolš. Ale kali heta budzie chacia b 3-4 eskadrylli, ja dumaju, što na asobnym napramku my zmožam zavajavać pieravahu ŭ pavietry i prymusić voraha naohuł admovicca ad tych udaraŭ, jakija jany ciapier nanosiać na peŭnym učastku, na peŭnaj pałasie abarony», — skazaŭ Hałubcoŭ

Pry hetym jon adznačyŭ, što «dla taho, kab spłanavać apieracyju pa źniščeńni abo naniasieńni ŭdaraŭ… varta kazać chacia b pra eskadryllu, chacia b pra 12-16 samalotaŭ».

U toj ža čas bryhadny hienierał zajaviŭ, što

«pieravahi jak takoj, taktyčnaj abo apieratyŭnaj, vorah u pavietry nie maje dziakujučy tamu, što Ukraina atrymała ad krain-partnioraŭ dastatkova mahutnuju dapamohu: radyjołakacyjnyja stancyi vyjaŭleńnia, nazirańnia, zienitnyja rakietnyja kompleksy, i ŭsie bačać na praktycy, jak hetyja kompleksy pracujuć i jaki pracent paražeńnia celaŭ». 

Adnak na ŭzbrajeńni ŭ rasijskaj avijacyi ciapier znachodziacca samaloty Su-35 i MiH-31BM, jakija zdolnyja prymianiać rakiety pavyšanaj dalokaści i vialikaj dalokaści, a va Ukrainie pakul takoj mahčymaści niama.

Adkazvajučy na ​​pytańnie, nakolki składana budzie schavać samaloty F-16 na terytoryi Ukrainy, kab rasijskija rakiety i drony nie dastali, pradstaŭnik kamandavańnia Pavietranych sił skazaŭ: «Prosta schavać samaloty nie atrymajecca. Ja dumaju, što tut treba budzie šukać kompleksny padychod, maskiravać i razhrupoŭvać, pieramiaščać z aeradroma na aeradrom. I druhi kirunak — usio ž treba budzie vykarystoŭvać častku zienitnych rakietnych kompleksaŭ dla prykryćcia hetych aeradromaŭ».

Raniej Minabarony Ukrainy zajaŭlała, što dla vyzvaleńnia Ukrainy ad rasijskich akupantaŭ nieabchodna 48 źniščalnikaŭ F-16.

Premjer-ministry Vialikabrytanii i Niderłandaŭ pa vynikach sustrečy na ​​palach samitu Rady Jeŭropy ŭ Rejkjaviku damovilisia sadziejničać stvareńniu mižnarodnaj kaalicyi pa ŭzmacnieńni supraćpavietranaj abarony Ukrainy.

Pa danych miedyja, u Jeŭropie nie vyklučajuć, što Ukrainie mohuć pieradać źniščalniki F-16 užo ŭvosień hetaha hoda.

Čytajcie taksama:

Čarhovy kamplekt zienitnaha rakietnaha kompleksu S-400 prybyŭ u Biełaruś — Minabarony

Dalnabojnyja rakiety Storm Shadow pacelili ŭ 100% abjektaŭ, vyznačanych Hienštabam — Minabarony Ukrainy

Ukraina atrymaje rakiety AIM-9. Što heta značyć?

«Kinžał» akazaŭsia blefam. Heta budzie mieć vialikija nastupstvy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Abłom/adkazać/
29.05.2023
I tut abłom bo za miesť toj klkaści što treba dałuć 10. Amierykanca niby śpiecyjalna raściahvajuć vajnu kab vyrašyć svaje spravy z rasiejaj, a Ŭkraina jak instrumient
0
Žvir/adkazać/
29.05.2023
Abłom, a vam nie padajecca, što heta Rasieja zaciahvaje vajnu, zastajučysia z svaim vojskam na terytoryi susiedniaj dziaržavy j zakidvajučy jaje rakietami ? Nichto ž joj nie zaminaje sabrać manatki dy zvalić na miežy 1991-ha, ni amierykancy, ni Jeŭropa, ni pinhviny Antarktydy navat...
1
Heć/adkazać/
29.05.2023
śviežyje mietadyčki zavieźli dla “abłomaŭ” z aac - olhinskaj filii
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera