Źjavilisia spadarožnikavyja FOTY «Linii Chrenina»
Niadaŭna źjaviłasia infarmacyja, što na trasie M8 pad Homielem, za 20 km ad miažy z Ukrainaj, źjaviłasia linija supraćtankavych umacavańniaŭ «zuby drakona», jakuju vobrazna stali nazyvać «linijaj Chrenina». Siońnia «Radyjo Svaboda» apublikavała spadarožnikavyja zdymki linii, zroblenyja kampanijaj Planet Labs 25 maja.
Spadarožnikavy zdymak vajskovych umacavańniaŭ pad Homielem. 25 maja 2023 hoda
Sa zdymkaŭ vyhladaje, što daŭžynia linii supraćtankavych umacavańniaŭ kala vioski Kalinina składaje kala 2 km (400 m — zachodniaja častka, 1600 m — uschodniaja). Na poŭnačy, bližej da vioski, možna zaŭvažyć fartyfikacyjnyja elemienty — akopy i ravy.
Akopy dla ludziej i techniki na ŭskrajku vioski Kalinina. 25 maja 2023 hoda
26 maja hety abarončy rubiež naviedvaŭ ministr abarony Viktar Chrenin, jon byŭ stvorany akurat pad vučeńni terabarony, jakija pravodzilisia ŭ toj čas u Homieli i Homielskim rajonie.
Linija «zuboŭ drakona» na ŭschod ad trasy M8, jakaja viadzie z Homiela ŭ bok ukrainskaj miažy. 25 maja 2023 hoda
Linija «zuboŭ drakona» na zachad ad trasy M8, jakaja viadzie z Homiela ŭ bok ukrainskaj miažy. 25 maja 2023 hoda
Čytajcie taksama:
Źjaviłasia VIDEA «Linii Chrenina»
U kožnym rajonie Homiela płanava staviać kantrolna-prapusknyja błokpasty
Chrenin raskaža hubiernataram i abłasnym kamisaram, jak pravilna baranić harady i vioski
Homielski abłvykankam zabaraniŭ raźvivać ahraekaturyzm na Sažy i Dniapry pobač z Ukrainaj
