Znajści
Ałharytmičny łacinski varyjant
30.05.2023 / 10:12RusŁacBieł

Bajden miakka paraiŭ Erdahanu nie błakavać ustupleńnie Šviecyi ŭ NATO

Bajden patelefanavaŭ Erdahanu, kab pavinšavać jaho ź pieramohaj na prezidenckich vybarach u Turcyi ŭ niadzielu. Jany abmierkavali ŭstupleńnie Šviecyi ŭ NATO i pastaŭki źniščalnikaŭ F-16.

Džo Bajden. Fota: Evan Vucci / AP

Prezident ZŠA Džo Bajden zajaviŭ u telefonnaj razmovie z prezidentam Turcyi Redžepam Taipam Erdahanam, što jon choča, kab Ankara admoviłasia ad svaich piarečańniaŭ suprać ustupleńnia Šviecyi ŭ NATO, paviedamlaje «Jeŭrapiejskaja praŭda».

«Ja razmaŭlaŭ z Erdahanam. Ja pavitaŭsia z Erdahanam. Jon usio jašče choča papracavać nad čymści, nad F-16. Ja skazaŭ jamu, što my chočam zaklučyć ździełku sa Šviecyjaj, tak što davajcie zrobim heta. I my znoŭ budziem na suviazi adzin z adnym», — skazaŭ Bajden žurnalistam pierad adjezdam ź Biełaha doma ŭ štat Dełaver.

Adkazvajučy na pytańnie, ci čakaje jon ad Erdahana niejkich zruchaŭ u pytańni siabroŭstva Šviecyi ŭ NATO, Bajden skazaŭ, što havaryŭ pra heta z tureckim prezidentam.

«Ja ŭzdymaŭ hetaje pytańnie ź im. My pahavorym pra heta bolš na nastupnym tydni», — adznačyŭ jon.

Šviecyja i Finlandyja padali zajaŭki na siabroŭstva ŭ NATO ŭ minułym hodzie, ale Turcyja i Vienhryja ŭsio jašče nie ŭchvalili zajaŭku Šviecyi.

Turcyja imknułasia kupić u ZŠA źniščalniki F-16 na 20 miljardaŭ dalaraŭ i amal 80 madernizacyjnych kamplektaŭ. Ale pahadnieńnie zatarmazili praź piarečańni z boku Kanhresa ZŠA, jakomu nie padabajecca admova Ankary ŭzhadnić pašyreńnie NATO. Administracyja Bajdena nieadnarazova zajaŭlała, što padtrymlivaje hetaje pahadnieńnie.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera