Za ŭdzieł u pratestach asudzili treniera pa vodnym poła
Pravaabaroncam stała viadoma, što 11 maja ŭ sudzie Leninskaha rajona Minska vyniesieny prysud trenieru pa vodnym poła Radzivonu Baravomu.
Mužčynu pryznali vinavatym pavodle art. 342 KK (Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich) i asudzili da 2,5 hoda abmiežavańnia voli biez nakiravańnia ŭ PUAT — «chatniaj chimii». Paśla abviaščeńnia prysudu mužčynu vyzvalili ŭ zale suda.
Viadoma, što mužčynu zatrymali 24 lutaha i spačatku aryštavali jaho na 15 sutak pavodle art. 19.11 KaAP (Raspaŭsiud ekstremisckich materyjałaŭ), a paśla taho pierazatrymali pavodle kryminalnaha artykuła.
Jaho sudzili za ŭdzieł u adnym ź mirnych maršaŭ u Minsku ŭ 2020 hodzie. Radzivon pryznaŭ vinu i tłumačyŭ, što rušyŭ z natoŭpam u tym liku pa prajeznaj častcy.
Prysud vyniesła sudździa Julija Šut.
Čytajcie taksama:
Pazbavili licenzij jašče čatyroch advakataŭ
Palitźniavoleny pravaabaronca Uładź Łabkovič patelefanavaŭ z kałonii rodnym
Stali viadomyja niekatoryja detali sudovaj spravy Jaŭhiena Mierkisa
