Znajści
Ałharytmičny łacinski varyjant
30.05.2023 / 23:074RusŁacBieł

Ałovak Hitlera źbirajucca pradać amal za 100 tysiač jeŭra

Ałovak Adolfa Hitlera skora źbirajucca pradać na aŭkcyjonie. Košt hetaha pradmieta moža dasiahnuć amal 100 tysiač jeŭra, paviedamiła 29 maja ahienctva The Guardian. Heta byŭ padarunak ad Jevy Braŭn, padorany Hitleru pierad uvarvańniem u SSSR.

Ałovak Adolfa Hitlera ź jaho ŭłasnymi inicyjałami i słovam Eva na kancy nieviadomaha nadpisu zboku. Heta byŭ padarunak ad Jevy Braŭn, kachanki Hitlera. Fota: Bloomfield Auctions/Kelvin Boyes/PressEye/PA

6 červienia na aŭkcyjonie Bloomfield Auctions u Biełfaście buduć pradavać pasiarebrany ałovak, jaki naležaŭ kiraŭniku nacysckaj Hiermanii Adolfu Hitleru. Miarkujecca, što heta byŭ padarunak ad jahonaj kachanki Jevy Braŭn, jaki žančyna zrabiła fiuraru na jahony 52-y dzień naradžeńnia 20 krasavika 1941 hoda, niezadoŭha da niamieckaha ŭvarvańnia ŭ SSSR.

Ałovak zboku maje nadpis na niamieckaj movie, jaki kančajecca na «Eva». Taksama na ałoŭku dobra bačnyja litary AH — ułasnyja inicyjały Adolfa Hitlera.

«U bolšaści svajoj asabistaja pryvabnaść Hitlera padčas jaho dyktatury pachodziła ź jaho staranna sfarmavanaha vobrazu jak baćki niamieckaj nacyi, jaki staviŭ łajalnaść da svajoj krainy vyšej za asabistyja suviazi. Tamu hety znak kachańnia ŭ vyhladzie piersanalizavanaha ałoŭka ad Jevy Braŭn dapamahaje raskryć tuju asobu, jakaja staić za publičnym fasadam Hitlera», — adznačyŭ Karł Bieniet, dyrektar aŭkcyjonnaha doma, dzie źbirajucca pradavać ałovak.

Pavodle acenak, košt hetaha ałoŭka budzie varjiravacca ad 57 da 92 tysiač jeŭra. Čakajecca, što takoj rečču zacikaviacca kalekcyjaniery z usiaho śvietu.

Akramia ałoŭka, na aŭkcyjonie taksama buduć pradavać takija histaryčnyja pradmiety, jak aryhinalnuju fatahrafiju Hitlera ź jaho ŭłasnym aŭtohrafam i redki rukapisny akt pamiłavańnia irłandskich paŭstancaŭ z boku brytanskaj karalevy Viktoryi, padpisany ŭ 1869 hodzie.

Čytajcie taksama:

Narešcie prydumali, što rabić z domam, dzie naradziŭsia Hitler

Muzyčny katałoh Queen moža być pradadzieny za ašałamlalnuju sumu — CNN

Znakamity vieniecyjanski Hrand-kanał całkam afarbavaŭsia ŭ jarka-zialony. Palicyja pravodzić rasśledavańnie

Mark Rychter

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
3
Ха-ха
4
Ого
4
Сумна
0
Абуральна
3
1
fiłołah/adkazać/
30.05.2023
Inicyjały AH dobra kładucca na inicyjały Aliaksandr Hryhoravič i na ivo frazu «nie vsie tolko płochoje było śviazano v Hiermanii s iźviestnym Adolfom Hitlerom».
1
Kotriarch Pierił/adkazać/
31.05.2023
Hundiaju pusť prodajut, on takije rielikvii lubit.
0
Uład/adkazać/
31.05.2023
Chaj by padaryli hety ałovak Pucinu. Ci jašče jakomu "baćkie narodu".
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera