Na dachu minskaha handlovaha centra buduć ładzicca tancy
Zaniatki z tancami buduć ładzicca štopiatnicu na dachu HC «Halereja», što na praśpiekcie Pieramožcaŭ.
Fota: instahram HC «Halereja»
«Kožnuju piatnicu ŭ 19:00 da kanca leta my budziem čakać vas na dachu parkinha na tancavalnych majstar-kłasach z vydatnymi vykładčykami «Kvartał studyi», najstarejšaj škoły tancaŭ Biełarusi, jakaja śpiecyjalizujecca na parnych sacyjalnych tancach dla darosłych», — paviedamlajecca ŭ instahramie «Halerei».
Arhanizatary padkreślivajuć, što ŭzrost, rost, vaha i inšyja pakazčyki nie majuć značeńnia, jak nie maje značeńnia i toje, ci tancavali vy kali-niebudź raniej.
Pieršyja zaniatki — u hetu piatnicu. Heta budzie salsa — parny taniec, zasnavany na impravizacyi i ŭzajemadziejańni.
Majstar-kłasy biaspłatnyja. Usio, što nieabchodna, — heta zarehistravacca, bo kolkaść miescaŭ abmiežavanaja. Zapis budzie adkryvacca pa paniadziełkach pa spasyłcy ŭ šapcy profilu.
Takim čynam,
- 02.06 — salsa (parny taniec),
- 09.06 — lindzi chop (parny taniec),
- 16.06 — tanha (parny taniec),
- 23.06 — bluz (parny taniec),
- 30.06 — soła džaz (adzinočny taniec).
Zbor udzielnikaŭ adbyvajecca na pieršym paviersie TRC kala infacentra (pobač ź piakarniaj «Ćjery»). Kali vy viedajecie darohu na dach parkinha, to možacie adrazu padymacca tudy.
Adnak kali budzie iści doždž, to zaniatki pryjdziecca admianić.
