Znajści
Ałharytmičny łacinski varyjant
31.05.2023 / 13:20RusŁacBieł

Stała viadoma, jak budzie vyhladać nadmahille Źmitraka Biaduli

U asnovie pomnika piśmieńnika-«našaniŭca» — plita, jakaja simvalična budzie nahadvać nivu pad paryvam vietru.

Eskizny varyjant nadmahilnaha pomnika Źmitraku Biadulu. Skrynšot ź videarepartažu ANT

U repartažy, jaki vyjšaŭ učora na ANT, upieršyniu pakazali zaćvierdžany eskizny varyjant pomnika Źmitraku Biadulu, jaki pastaviać na jahonaj mahile na Uschodnich mohiłkach.

Biełaruski piśmieńnik i paet Źmitrok Biadula (Samuił Płaŭnik) pamior u evakuacyi ŭ kazachstanskim Uralsku 3 listapada 1941 hoda. Tam i byŭ pachavany. U 2020 hodzie adbyłosia pierapachavańnie ŭ Minsku na Uschodnich mohiłkach. Tady adbyŭsia kazus: nierelihijnaha jaŭreja pierapachavali z udziełam baciuški, a na mahile pastavili pravasłaŭny kryž z ruskamoŭnym nadpisam.

Źmitrok Biadula spačatku debiutavaŭ ź biełaruskamoŭnymi tvorami ŭ «Našaj Nivie», a ŭ 1914 hodzie byŭ pryznačany sakratarom u hazietu, redaktaram-vydaŭcom jakoj tady byŭ Janka Kupała. 

Partretnaja vyjava Źmitraka Biaduli na eskiznym varyjancie pomnika. Skrynšot ź videarepartažu ANT

Aŭtar pomnika Źmitraku Biadulu — skulptar Siarhiej Humileŭski, jaki patłumačyŭ svaju zadumu telehram-kanału «Spadčyna». Nadmahilny pomnik budzie vykanany ŭ vyhladzie asimietryčnaj plity z darahoha zialonaha hranitu, jakaja pa formie nahadvaje nivu pad paryvam vietru, na plicie — bronzavaja skulpturnaja vyjava paeta ŭ časie paetyčnaha rozdumu. Asimietryja nadmahilnaj plity taksama musić nadavać pomniku paetyčnaje hučańnie. Padychod da pomnika płanujuć zrabić z brukavanki, što simvalizuje składany žyćciovy šlach, jakim prajšoŭ Biadula i praz šmat hadoŭ viarnuŭsia na radzimu. Vyšynia pomnika — 180 santymietraŭ, takoje abmiežavańnie ŭstanoŭlena zakonam «Ab pachavańniach i pachavalnaj dziejnaści».

Dla vytvorčaści i ŭstanoŭki pomnika nieabchodna sabrać 12,5 tysiačy rubloŭ. 

Dziaržaŭny muziej historyi biełaruskaj litaratury zaprašaje pradpryjemstvy, hramadskija arhanizacyi, a taksama zacikaŭlenych hramadzian uziać udzieł u dabračynnym zbory srodkaŭ i zrabić hrašovy ŭniosak na raźlikovy rachunak u biełaruskich rublach: BY15AKBB36429000005530000000 u AAT «AZB Biełarusbank» BIK: AKVVVY2X UNP: 190269032. 

F. Raŭbič

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031