U niebie nad Kijevam i vakoł stalicy SPA źniščyła bolš za 30 pavietranych varožych celaŭ
«Teror Kijeva pavietranymi napadami praciahvajecca. Šałaputnyja terarysty praktyčna biez paŭz napadajuć na stalicu Ukrainy», — zajaviŭ Siarhiej Papko.
Ilustracyjnaje fota Defence.ua
Načalnik Kijeŭskaj vajskovaj abłasnoj administracyi Siarhiej Papko paviedamiŭ, što ŭnačy 2 červienia ŭ pavietranaj prastory nad Kijevam i vakoł stalicy SPA vyjaviła i źniščyła bolš za 30 pavietranych celaŭ roznaha typu, pra heta piša «Ukrainskaja praŭda».
«Teror Kijeva pavietranymi napadami praciahvajecca. Šałaputnyja terarysty praktyčna biez paŭz napadajuć na stalicu. Za apošnija 6 dzion rašysty nanieśli ŭžo 6 pavietranych udaraŭ pa horadzie! I kožny raz vorah mianiaŭ zbroju.
Paśla balistyčnych rakiet napiaredadni hetaja ataka była kambinavanaj — dronami i kryłatymi rakietami adnačasova. Puski rakiet ažyćciaŭlalisia sa stratehičnych bambardziroŭščykaŭ Tu-95MS z rajona Kaśpija, vierahodna — kryłatymi rakietami typu Ch-101/555», — skazaŭ kiraŭnik administracyi.
Pavodle papiaredniaj infarmacyi, u pavietranaj prastory nad Kijevam i vakoł stalicy siłami i srodkami supraćpavietranaj abarony byli vyjaŭlenyja i źniščanyja bolš za 30 pavietranych celaŭ roznaha typu.
Pavodle papiarednich źviestak, unačy 2 červienia rasiejcy atakavali Kijeva 15 kryłatymi rakietami i 18 «Šachiedami», usie varožyja pavietranyja celi źniščyła ŭkrainskaja SPA.
Taksama načalnik KMVA dadaŭ, što infarmacyja ab razbureńniach i paciarpiełych pakul adsutničaje.
