Znajści
Ałharytmičny łacinski varyjant
02.06.2023 / 09:24RusŁacBieł

Miesi na nastupnym tydni prymie rašeńnie — Chavi

Hałoŭny trenier «Barsiełony» Chavi raskazaŭ pra mahčymaje viartańnie Lijanela Miesi ŭ kłub.

Lijanel Miesi. Fota: Peter David Josek / AP

«Miesi prymie rašeńnie na nastupnym tydni. Ja viedaju, što Lea dapamoža nam, kali jon vyrašyć pryjechać, ale ŭrešcie ja dumaju, što my pavinny pakinuć jaho krychu ŭ spakoi. Što tyčycca futbolnaj temy, to heta zaležyć ad jaho. Dla mianie ŭ hetym niama nijakich sumnievaŭ. Kali Lea vyrašyć pryjechać, dla jaho buduć adčynienyja dźviery», — zapeŭnivaje trenier «Barsy»;

Miesi hulaŭ za «Barsiełonu» ź dziacinstva. U 2021 hodzie jon pierajšoŭ u PSŽ.

Učora hałoŭny trenier paryžskaha kłuba Krystof Halćje zajaviŭ, što matč apošniaha tura čempijanatu Francyi suprać «Klermona» stanie apošnim dla arhiencinca ŭ składzie kłuba. Praŭda, zatym kiraŭnictva PSŽ papraviła Halćje, što jon niapravilna vykazaŭsia: matč stanie apošnim u siezonie. Ale francuzskija miedyja pišuć, što sychod čempijona śvietu sprava vyrašanaja.

Taksama siońnia stała viadoma, što «Inter» Majami zrabiŭ prapanovu Miesi.

Amierykanski kłub prapanuje arhiencincu kantrakt na čatyry hady z zarobkam u 50 miljonaŭ jeŭra ŭ hod. Heta nie samaja vialikaja prapanova: «Al-Chiłal» hatovy płacić jamu 500 miljonaŭ u hod, što zrobić Miesi samym vysokaapłatnym futbalistam śvietu.

Biada tolki ŭ tym, što fłarydski «Inter» idzie na apošnim miescy va Uschodniaj kanfierencyi, prajhraŭšy čatyry apošnija matčy zapar.

Čytajcie taksama:

Saudaŭcy nie zdajucca. Jany prapanavali za Miesi 1,2 miljarda jeŭra

Lijanel Miesi paprasiŭ prabačeńnia za pajezdku ŭ Saudaŭskuju Araviju

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
1
Ха-ха
1
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031