U Minsku sudziać 21-hadovaha Dźmitryja Hudziejeva — jamu pahražaje da 12 hadoŭ kałonii
Padčas brutalnaha zatrymańnia Dźmitryj byŭ mocna źbity.
Z 25 maja ŭ Minskim haradskim sudzie razhladajecca sprava Dźmitryja Hudziejeva, piša «Viasna».
Chłopcu inkryminavana č. 2 art. 290-5 KK (Arhanizacyja dziejnaści terarystyčnaj arhanizacyi i ŭdzieł u dziejnaści takoj arhanizacyi) i č. 3 art. 361-1 KK (Stvareńnie ekstremisckaha farmavańnia abo ŭdzieł u im). Praces viadzie Natalla Buhuk. U čym kankretna abvinavačvajuć Hudziejeva, pravaabaroncam nieviadoma.
Dźmitryju 21 hod, i, miarkujučy pa jaho sacyjalnych sietkach, u minułym mai jon skončyŭ terminovuju słužbu ŭ vajskovaj častcy 3214 u Minsku. U mai chłopca dadali ŭ «terarystyčny śpis» KDB. Jamu pahražaje ad 8 da 12 hadoŭ kałonii.
Pavodle infarmacyi krynic, padčas brutalnaha zatrymańnia Dźmitryj byŭ mocna źbity.
