Znajści
Ałharytmičny łacinski varyjant
02.06.2023 / 12:319RusŁacBieł

Žurnalista Siarhieja Sacuka pieraviali ŭ kałonii «na lohkuju pracu». U jaho surjoznyja zachvorvańni

Brat źniavolenaha žurnalista, raskazaŭ «Narodnaj Voli» pra apošnija naviny ad asudžanaha na vosiem hadoŭ brata.

Siarhiej Sacuk. Fota: «Naša Niva»

Siarhieja Sacuka zatrymali 8 śniežnia 2021 hoda. Jaho abvinavacili pa troch artykułach Kryminalnaha kodeksa: «Atrymańnie chabaru» (art. 430), «Raspalvańnie varožaści» (art. 130), «Pieravyšeńnie ŭłady albo słužbovych paŭnamoctvaŭ» (art. 426).

U vyniku Siarhiej Sacuk asudžany na 8 hadoŭ źniavoleńnia z adbyćciom pakarańnia ŭ kałonii ŭzmocnienaha režymu.

Taksama žurnalistu pryznačyli štraf u pamiery 500 bazavych vieličyń (16 tysiač biełaruskich rubloŭ). Jon pazbaŭleny prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ, na 5 hadoŭ. Akramia taho, sud vyrašyŭ spahnać z abvinavačanaha ŭ dachod dziaržavy hrašovuju sumu ŭ pamiery 12 384 biełaruskich rubloŭ.

Adbyvaje pakarańnie Siarhiej Sacuk u kałonii №15 h. Mahilova…

— Adna z apošnich navin — brata pieraviali na lohkuju pracu, pra heta jon paviedamiŭ u liście, — kaža Alaksandr Sacuk. — U Siarhieja jość surjoznyja zachvorvańni, ale, tym nie mienš, spačatku jaho pryznačyli na ciažkuju pracu, jak absalutna zdarovaha čałavieka. Ciapier ja dakładna nie viedaju, jakuju rabotu vykonvaje Siarhiej, ale ŭsio-taki nie mietałałom ciahaje.

Paviedamlaje taksama, što apošnim časam «krychu lahčej stała z sercam», chacia prystupy ŭsio roŭna zdarajucca praktyčna kožny dzień.

— Jon znachodzicca pad nazirańniem turemnych miedykaŭ?

— Naviedvajecca da doktara, toj vypisvaje recepty na peŭnyja leki.

— Ci ŭsie listy dachodziać da Siarhieja?

— Z maci i žonkaj u ich pierapiska narmalnaja, ale voś nie viedaju, ci dachodziać maje pasłańni.

— Ci mahčyma spatkańnie ź blizkimi?

— U hetym miesiacy žonka Siarhieja raźličvaje na doŭhaterminovaje spatkańnie, kali ničoha nie źmienicca. Jano zapłanavanaje i, budziem spadziavacca, adbudziecca. A voś telefonny zvanok čamuści admianili, nie dali bratu patelefanavać na hetym tydni.

— Sud pryznačyŭ Siarhieju vialikija hrašovyja štrafy…

— Hrošy ŭžo sabrali, i štraf całkam apłačany.

Padtrymajcie Siarhieja: PK № 15. 213105, h. Mahiloŭ, p/a Viejna, Słaŭharadskaja šaša 183, Siarhiej Viktaravič Sacuk 

Čytajcie taksama:

Žonka žurnalista Siarhieja Sacuka: Pieradajom u SIZA leki, bo ŭ jaho išemičnaja chvaroba serca

Pra krynicy ŭ KDB i Juryja Zisiera, fantastyčnyja ramany i ślozy žonki: ščyraja hutarka ź Siarhiejem Sacukom

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Niama ničoha horšaha za balšavizm/adkazać/
02.06.2023
daviedka, nia viedaju ale ž na stolki chvoramu možna było b i daravać užo. Usio ž mienavita zdolnaść dužaha daravać i robić pieršaha bolš mahutnym. Dy i kali adkinuć usiu hetuju maral, kali łukašysty imknucca, chočuć naładzić stasunki to čamu nie zrabić pieršy krok biez usialakich ale
1
daviedka/adkazać/
02.06.2023
Pieršy krok užie był, kohda jeho v piervyj raz zakryli i vypustili s usłovijem zatknuťsia.
0
mikola/adkazać/
02.06.2023
Nadakučyli ..... //Ni za STO a NAVOSTA...!  Kab NI ZDOHNUC na narah...! Usiu Krainu zrabili -Turmoi !
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera