Pamiž Biełaruśsiu i Rasijaj budujuć novuju liniju abarony — «Fłahštok»
Pa danych kaśmičnaha siervisa Sentinel, kala byłoha pamiežnaha pierachoda «Try siastry» na rasijskim baku pačałosia budaŭnictva novaj linii abarony, piša «Fłahštok», jaki źviarnuŭ uvahu na spadarožnikavyja zdymki.
Pavodle vydańnia, novaja linija abarony idzie ŭzdoŭž miažy ź Biełaruśsiu. Źmieny adbylisia z 30 maja da 2 červienia. Linija praciahnułasia na 250 mietraŭ uzdoŭž biełaruskaj miažy.
Na praciahu maja 2023 hoda ŭ rajonie taho ž pamiežnaha pierachoda na biełaruskim baku byŭ śpiłavany les na miažy RF, u druhim lasnym masivie pobač źjaviŭsia kompleks tranšej.
Dniom 30 maja rasijanie ŭzarvali častku darohi ŭ Čarnihaŭskaj vobłaści na styku miažy Ukrainy z Rasijaj i Biełaruśsiu, pobač z manumientam «Try siastry».
Kanał vajenkaraŭ napisaŭ, što takim čynam rasijanie padarvali «šlach voraha, jaki jon moh by kaliści pasprabavać vykarystać dla napadu».
U apošnija niekalki tydniaŭ adbyłosia niekalki hučnych dyviersij na terytoryi Branskaj, Biełharodskaj abłaściej, bieśpiłotniki atakavali navat Maskvu.
