Znajści
Ałharytmičny łacinski varyjant
05.06.2023 / 09:3814RusŁacBieł

Kiraŭnik «Paspalitaha rušeńnia» raskazaŭ, čyje zahady jany hatovyja vykonvać i z kim kantaktujuć

Kiraŭnik «Paspalitaha rušeńnia» — vajenizavanaj biełaruskaj arhanizacyi na terytoryi Polščy i Litvy — Siaržuk Kiedyška raspavioŭ u intervju «Biełsatu» pra mety arhanizacyi, jaje finansavańnie, adnosiny ź biełaruskimi palityčnymi ruchami ŭ emihracyi, svaje palityčnyja ambicyi i budučuju Biełaruś.

Siaržuk Kiedyška padčas intervju. Skryn videa «Biełsata»

Siaržuk Kiedyška adznačyŭ, što arhanizacyja była zasnavanaja vosieńniu 2022 hoda, a ŭ lutym 2023 hoda było abvieščana pra samastojnaść «Paspalitaha rušeńnia». Pryčyna — niezadavolenaść udzielnikaŭ tempami raźvićcia arhanizacyi. Zaraz u jaje składzie pryblizna 200 asob.

Arhanizacyja pakul nie maje vyznačanaha jurydyčnaha statusu. Jak śćviardžaje Kiedyška, «Paspalitaje rušeńnie» nie maje sistemnaha finansavańnia i isnuje na pryvatnyja danaty. Da taho, jak stać samastojnaj, arhanizacyja mieła finansavańnie ad «Bajpoła».

Meta arhanizacyi i čyje zahady jana budzie vykonvać

Siaržuk Kiedyška śćviardžaje, što dla ŭdzielnikaŭ «Paspalitaha rušeńnia» hałoŭnaja zadača — heta zmahańnie sa zbrojaj u rukach za volnuju Biełaruś.

«Užo jość razumieńnie, što pa-inšamu nie moža być. U 2020-m ja viedaŭ, što mirnymi mietadami ničoha nie zrobiš, ale ŭ toj čas było vielmi mała ludziej, hatovych aktyŭna supraćdziejničać Łukašenku. Nas nazyvali pravakatarami. Ciapier bačna, što hołymi rukami ničoha nie zrobiš. Z taho boku bajacca tolki siły»,

— adznačaje Kiedyška.

Pry hetym jon uchiliŭsia ad kankretnaha adkazu, zahadam kaho z apazicyjnych palitykaŭ budzie padparadkoŭvacca «Paspalitaje rušeńnie».

«Kali my budziem bačyć dastojnaha palityka, mety jakoha buduć supadać z našymi, my budziem padparadkoŭvacca. Na hety momant my kamunikujem z usimi palityčnymi siłami, sprabujučy atrymać padtrymku. Ale ŭ nas niama vyznačanaha lidara, bo ŭ našym palityčnym žyćci siońnia niama peŭnaj akreślenaści»,

— adznačyŭ kiraŭnik «Paspalitaha rušeńnia».

Z kim kantaktuje «Paspalitaje rušeńnie»

Siaržuk Kiedyška adznačaje, što jaho arhanizacyja ŭskładaje vialikija spadziavańni na pieramohu Ukrainy ŭ vajnie z Rasijaj. Jon ličyć, što Ukraina nie pakinie Łukašenku, pamiatajučy pra toje, što vajna pačałasia pry dapamozie apošniaha. Pry hetym jon uskładaje vialikija spadziavańni na ludziej, što zastalisia ŭ Biełarusi. Ale ciapier kantakty z tymi, chto zastaŭsia ŭ krainie, udzielniki arhanizacyi starajucca nie padtrymlivać.

«Ja starajusia nie padstaŭlać znajomych svajoj prysutnaściu ŭ ich žyćci. Ad taho, što ja budu ź imi ŭ kantakcie, im budzie tolki horš. Ja viedaju, što hetyja ludzi nikudy nie padzielisia i jany mianie padtrymlivajuć», — adznačaje Kiedyška.

A voś kantakty z pałkom Kastusia Kalinoŭskaha i inšymi vajskovymi farmavańniami va Ukrainie «Paspalitaje rušeńnie», pa słovach jaho kiraŭnika, jon padtrymlivaje: «Šmat siabroŭ našaj arhanizacyi ŭžo pajechali vajavać va Ukrainu ŭ roznyja vajskovyja farmavańni. My padtrymlivajem ź imi i ź inšymi vajskoŭcami haryzantalnyja kantakty».

Adnosiny z palityčnymi ruchami ŭ emihracyi

Siaržuk Kiedyška adznačaje, što arhanizacyja addaje pieravahu mienavita haryzantalnym kantaktam, a nie viertykalnym, na ŭzroŭni palitykaŭ. Heta jon tłumačyć tym, što «niama času čakać, pakul jany raźbiarucca, chto ź ich moža damaŭlacca z Ukrainaj, chto nie moža».

Kiedyška adznačaje, što struktury, jakija pieršapačatkova arhanizavali «Paspalitaje rušeńnie», nie mahli efiektyŭna im zajmacca, bo majuć šmat inšych spraŭ:

«Paprostu ich nie chapaje na ŭsio. Jany nie majuć vialikich štaboŭ, pamočnikaŭ. Sachaščyk nie moža adzin razarvacca. I pytańnie nie da jaho. Mahčyma, hety palityčny ruch nie taki šyroki. U jaho nie tak šmat resursaŭ. Albo jany vykarystoŭvajucca nie tudy».

Kiraŭnik «Paspalitaha rušeńnia» zhadvaje, što sustrakaŭsia sa Śviatłanaj Cichanoŭskaj i vioŭ razmovu pra sadziejničańnie ŭ finansavańni, ale kankretnych vynikaŭ sustreča nie pryniesła:

«My pajechali da Śviatłany Cichanoŭskaj z raźlikam na lehitymizacyju. Jość takoje mierkavańnie, što kali ty nichto dla štaba Śviatłany Cichanoŭskaj, to ty i budzieš nikim, jakim by cudoŭnym ty ni byŭ. My pajechali. Nas pryniali. Nam nichto nie admaŭlaŭ. Skazali: «Cudoŭna, my vas padtrymlivajem». My zrabili ahulnaje fota sa Śviatłanaj Cichanoŭskaj. I na hetym usio. Nam paraili fondy, jakija mohuć vydzielić hrant. Nam nie pryznačyli navat čałavieka, jaki moža dapamahčy razabracca, jak heta zrabić».

Kiedyška zaŭvažaje, što ŭ jaho było taksama spadziavańnie, što štab Śviatłany Cichanoŭskaj budzie zhadvać pra ich arhanizacyju. Ale ich nie zaprasili na kanfierencyju biełarusaŭ śvietu, što adbyłasia ŭ krasaviku ŭ Vilni. Pa słovach Kiedyški, tak zdaryłasia, mahčyma, z-za taho, što pabajalisia niazručnych pytańniaŭ ad ich arhanizacyi:

«My nie budziem kivać hałavoj. My budziem kazać, što my hublajem niezaležnaść, hublajem krainu. U nas prablema nie ŭ tym, jak žyvuć dyjaspary, a prablema ŭ tym, što hetyja dyjaspary ŭvohule zjavilisia, što my žyviom u emihracyi».

Jak budzie vyhladać budučaja Biełaruś

Siaržuk Kiedyška padkreślivaje, što Biełaruś va ŭjaŭleńniach siabroŭ «Paspalitaha rušeńnia» biełaruskamoŭnaja. Jaje histaryčny padmurak — Vialikaje Kniastva Litoŭskaje i Reč Paspalitaja. U hetaj dziaržavie ludzi śpiavajuć svaje pieśni i viedajuć svaju historyju. U joj paŭsiul nacyjanalnyja ściahi ŭ pryjemnych biełaruskamu voku biełym i čyrvonym kolerach.

«Dzie nie zhadvajecca Saviecki Sajuz jak niejkaja vielizarnaja dziaržava, u jakoj usie byli ščaślivyja. Dzie, narešcie, zrobleny vysnovy z taho, što adbyvałasia. I dzie dakładna skazana, chto jość katy, vorahi, čym dla nas była Rasijskaja Impieryja i Saviecki Sajuz. I čym dla nas jość Rasija. Dzie nie hulajucca paŭtonami i dypłamatyčnymi zachadami»,

— raspavioŭ pra svajo ŭjaŭleńnie budučaj Biełarusi Kiedyška.

Jon ličyć, što ŭ novaj Biełarusi nie abydziecca biez praviadzieńnia lustracyi i sudoŭ nad łukašystami. Pry hetym u praviadzieńni pieraŭtvareńniaŭ nieabchodna budzie abapiracca na dośvied takich krain, jak Ukraina i Hruzija.

Palityčnyja ambicyi

Sam Siaržuk Kiedyška ščyra pryznajecca, što zaŭsiody chacieŭ być palitykam. «Ja nie viedaju, jak składziecca maja karjera. Ale ja baču siabie deputatam parłamienta. Mnie padajecca, što ja budu prymać dobryja zakony, bo navat na pobytavym uzroŭni ja zaŭsiody staraŭsia dapamahčy svaim susiedziam. A heta toje, čym musić zajmacca deputat», — ličyć Kiedyška.

Čaho nie chapiła na pratestach 2020-ha i jak moža adbycca viartańnie da svabodnaj Biełarusi

Siaržuk Kiedyška ličyć, što pratestu nie chapiła siłavoha składnika. «Kab była zbroja, usio inakš i vielmi chutka b razhortvałasia. Mahčyma, navat chapiła b, umoŭna kažučy, adnaho strełu ŭ bok milicyjantaŭ, kab jany zrazumieli, što ŭsio surjozna, i pierašli na bok naroda».

A voś viartańnie da svabodnaj Biełarusi i svabody ŭ Biełaruś, na dumku Kiedyški, jašče mahčyma biez kryvi. Ale pry zručnym źbiehu abstavinaŭ. 

Naprykład, kali Łukašenka sam uciače. Nie treba dumać, što čynoŭniki buduć jaho padtrymlivać i apiekavacca nad im. Jany buduć kryčać: «My ž nasamreč byli za narod. My sabatavali ŭsio, što možna». Jany buduć maksimalna «pieraabuvacca».

A najbolš zručnym momantam dla zachodu ŭ Biełaruś vajskovych farmavańniaŭ budzie pieramoha ŭ vajnie Ukrainy nad Rasijaj. I da jaho treba ŭžo zaraz rychtavacca»,

— ličyć kiraŭnik «Paspalitaha rušeńnia».

Čytajcie jašče:

Unuk Hieroja Savieckaha Sajuza Mikałaja Kiedyški staŭ hołasam Paspalitaha rušeńnia, jakoje choča «vyzvalić Biełaruś»

«Varjactva z fantanami pryjšło da nas z Rasii»: hutarka z desantnikam, jaki słužyŭ u 94-m 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
46
Панылы сорам
9
Ха-ха
8
Ого
3
Сумна
2
Абуральна
8
1
Ja biełaruski nacyjanalist/adkazać/
05.06.2023
Vnuk antisovietskoho partizana,
Antysavieckija partyzany trymalisia biełaruščyny, a nie razmaŭlali pa rasiejsku.
Nie hańbi svaich dziadoŭ!!!!
Heć akupanckuju "kulturu" 
0
Janka/adkazać/
05.06.2023
Noŭnejm , sprava ŭ tym, što zaraz adzinaja mahčymaja krynica dla finansavańnia biełaruskich paramilitarnych farmavańniaŭ - heta dyjaspara. Bo ź Biełarusi achviaravać im hrošy niemahčyma abo nadta niebiaśpiečna, a hrantavaje finansavańnie adznačaje žorstkuju metanakiravanaść. Naŭradci mižnarodnyja fondy ŭžo hatovy finansavać faktyčna padrychtoŭku biełaruskich paŭstancaŭ. Heta bačna na prykładzie RDK/ŁSR, kali ŭ ZŠA i Bielhii amal adrazu paśla rejdaŭ hetych farmavańniaŭ pa rasiejskaj terytoryi pačaty rasśledavańni na kont pachodžańnia ŭ ich zachodniaj zbroi, jakaja była pieradadziena Ŭkrainie z dakładnymi abmiežavańniami. Ŭkraina ž zacikaŭlena ŭ supracoŭnictvie tolki z tymi, chto bjecca niepasredna suprać ahresara. Usio źmienicca ŭ momant, kali Łukašenka abo jahonyja pierajemniki ŭviaduć vojski va Ŭkrainu. Va ŭmovach uzrostu zaležnaści jaho ad Kramlu i nabližeńnia krytyčnaha ŭzroŭnia niedachopu padrychtavanaha vojska ŭ rasiejcaŭ varyjant, kali Kreml daciśnie ŭłady "Biełoruśsii", stanovicca bolš vierahodnym.
0
Supraciŭ/adkazać/
09.06.2023
Łuka rastaptaŭ intelehientny mirny pratest biełarusaŭ u 20-m hodzie. Ciapier tolki zbrojny supraciŭ, kula ŭ łob (sami viedajecie kamu).
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera