Hurt Rammstein akazaŭsia na miažy raspadu
Pryčynaj staŭ skandał vakoł lidara hurta Cila Lindemana, jakoha dniami abvinavacili ŭ seksualnych damahańniach da fanatak z vykarystańniem narkotykaŭ, piša Bild.
Rammstein. Fota: instahram hurta
Pavodle infarmacyi vydańnia, inšyja ŭdzielniki hurta vielmi niezadavolenyja pavodzinami salista. Niahledziačy na ekstravahantny vobraz, usie jany ŭzornyja siemjaniny, jakija ličać, što Lindeman uciahvaje ich u brudnuju historyju.
Razład u kalektyvie z-za dziejańniaŭ salista razharaŭsia ŭsie apošnija hady. Muzyki ŭžo abmiarkoŭvali płany pa rospusku hurta.
Pakul što nichto ź ich publična nie prakamientavaŭ skandał apošnich dzion.
«Ci raspadziecca zaraz hrupa kančatkova z-za surjoznych abvinavačańniaŭ suprać salista? Usio pakazvaje na budučuju buru», — piša ahladalnik Bild Michael Nichus.
Čytajcie taksama:
Z-za kancerta Rammstein na dva tydni začynili častku hałoŭnaha parku Vilni
U Niamieččynie pastavili pomnik salistu Rammstein, ale jaho chutka skrali
