Znajści
Ałharytmičny łacinski varyjant
04.06.2023 / 17:5610RusŁacBieł

U Biełharodskaj vobłaści RDK uziaŭ u pałon rasijskich vajskoŭcaŭ i prapanuje hubiernataru pieramovy

Dla abmienu dvuch vajennapałonnych kiraŭnik RDK Dzianis Kapuścin vyklikaŭ kiraŭnika rehijona Viačasłava Hładkova ŭ chram Novaj Tavałžanki. 

Skrynšot videazvarotu kiraŭnika RDK Dzianisa Kapuścina

«Spadar Hładkoŭ! Siońnia vialikaje pravasłaŭnaje śviata, Siomucha. U jakaści žesta dobraj voli, pra jakija tak časta havorać va ŭradzie RF, my hatovyja addać vam hetych pałonnych, prostych ruskich sałdat za mahčymaść pahutaryć z vami asabista, abmierkavać biahučuju situacyju ŭ rehijonie i, hałoŭnaje, pahavaryć pra jaho budučyniu i budučyniu Rasii ŭ cełym. Tamu zaprašajem vas da dyjałohu ŭ ścienach chrama ŭ Novaj Tavałžancy. Pryjazdžajcie na mašynie chutkaj dapamohi asabista ŭ supravadžeńni kiroŭcy, biez zbroi. Ja pryjdu sam z pradstaŭnikom lehijona «Svaboda Rasii» i pałonnymi. Zusim niadaŭna vy atrymali orden Mužnaści, dyk pakažycie sapraŭdnuju hramadzianskuju mužnaść», — źviarnuŭsia praź videa da hubiernatara kiraŭnik RDK Dzianis Kapuścin.

Hładkoŭ zajaviŭ, što bačyŭ zvarot «niahodnikaŭ, zabojcaŭ i fašystaŭ». «Nasamreč zajšli, idzie boj zaraz u Novaj Tavałžancy. Ja spadziajusia, što jany ŭsie buduć źniščanyja», — skazaŭ jon.

«Adzinaje, što spyniaje mianie ad pieramoŭ ź imi, — heta našy chłopcy, jakija znachodziacca ŭ ich rukach. Chutčej za ŭsio, jany ich zabili. Ale kali jany žyvyja, to aŭtamabilny punkt propusku Šabiekina. Harantuju biaśpieku», — dadaŭ Hładkoŭ.

Adnaho z pałonnych apaznali

Adnaho z pałonnych, pakazanych u videazvarocie RDK, u razmovie z rasijskim prajektam «Astra» apaznała jaho byłaja žonka.

Heta Alaksiej Bialajeŭ, 48-hadovy žychar horada Kašyna Ćviarskoj vobłaści. Byłaja žonka Alaksieja Taćciana Fiadotava paćvierdziła, što na videa — jaje kolišni muž.

«Tak, na hetym videa dakładna Alaksiej, ale ja daŭno ź im raźviedziena, my nie majem znosin», — paviedamiła Taćciana.

Jak vyśvietliła «Astra», u 2021 hodzie Bialajeŭ pracavaŭ u łakamatyŭnym depo Bałahoŭskaha padraździaleńnia Kastryčnickaj dyrekcyi filijała RČ, a da hetaha padzarablaŭ taksistam.

Svajaki pałonnaha raspaviali, što jon byŭ vajskoŭcam pa kantrakcie. Pa ich słovach, Bialajeŭ «słužyŭ u zonie SVA», ale dzie mienavita — jany nie viedajuć.

«Alaksiej byŭ u zonie «SVA» bolš za paŭhoda, u mai na dva tydni jon pryjechaŭ u adpačynak, źbiraŭ daviedki pa zdaroŭi, usimi sposabami sprabavaŭ zastacca doma, ale jaho prymusili viarnucca», — zajavili jany.

Ci byŭ Alaksiej na terytoryi Biełharodskaj vobłaści, im nieviadoma.

Čytajcie taksama:

Polski dobraachvotnicki korpus braŭ udzieł u apieracyi ŭ Biełharodskaj vobłaści — ŚMI

Straty USU ŭ Bachmucie ŭ siem z pałovaj razoŭ mienšyja, čym u rasijan — Daniłaŭ

«Płany lubiać cišyniu» — Minabarony Ukrainy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Konhienialno/adkazać/
04.06.2023
Ostap, nieužieli Bajdien priznajet Biełhorodskuju Narodnuju Riespubliku i tiem samym im pomožiet?
0
Roiśsi kaput/adkazać/
04.06.2023
Ostap, a ty kak dumał
0
Pietro/adkazać/
04.06.2023
rom, tak i dobra pracujuć u Biełharadzie. Jany dobra viedajuć riuzkie jyzyh
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera