U Muziei volnaj Biełarusi prezientujuć instalacyju «1525» pra biełaruskich palitviaźniaŭ
U paniadziełak, 5 červienia, a 12-j hadzinie ŭ Muziei volnaj Biełarusi pa adrasie Foksal, 11 adbudziecca prezientacyja prajekta «1525» — instalacyi, pryśviečanaj palitviaźniam u Biełarusi. Tam vy zmožacie sustrecca i pahutaryć ź jaje aŭtarami.
Častka instalacyi «1525»
Ideja instalacyi «1525» i jaje ŭvasableńnie naležyć byłym palitviaźniam — ludziam, jakija na sabie adčuli ŭsiu biesčałaviečnaść turemnych umoŭ, stvoranych siońnia ŭ Biełarusi.
U śpisach palitźniavolenych u Biełarusi imiony bolš za 1500 čałaviek, i heta daloka nie ŭsie achviary represiŭnaj mašyny łukašenkaŭskaha režymu.
Ideja instalacyi źjaviłasia ŭ supołcy byłych palitviaźniaŭ, kali ŭ Varšavie prachodziŭ Łancuh salidarnaści ŭ Dzień palitviaźniaŭ u Biełarusi, 21 maja.
«U našych turmach praciahvajucca ździeki i katavańni ludziej, i my pavinny havaryć pra heta kožny dzień. Usiamu śvietu. Da momantu, pakul nie vyzvalim usich», — tak tłumačać ideju stvareńnia instalacyi jaje aŭtary.
Instalacyju «1525» možna pabačyć u halerei Muzieja volnaj Biełarusi da 8 červienia ŭklučna z 16:00 da 20:00, a potym jana znojdzie svajo miesca ŭ muziejnym fondzie.
Pobač, u małoj zale muzieja, demanstrujecca mini-vystava «Chramy Paŭła Sieviarynca», lidara partyi «Biełaruskaja chryścijanskaja demakratyja», jaki siońnia taksama znachodzicca za kratami.
A padtrymać muziej finansava vy možacie, pierajšoŭšy pa hetaj spasyłcy.
Čytajcie taksama:
1000 dzion za kratami znachodzicca Maryja Kaleśnikava
Naziralnaja kamisija nie znajšła nijakich parušeńniaŭ u kałonii, dzie ŭtrymlivali Viktara Babaryku
prosta tupa raźviesili foty, pryčym šmat jakija apynulisia kudy nižej pozirku - na uzroŭni nahi
heta što?
ułada źnievažaje palityčnych
ale źbiehłyja t.zv. dyzajniery što - taksama?