Zialenski: Rasii ŭdajecca abychodzić mižnarodnyja sankcyi, my bačym kožny kirunak
Prezident Uładzimir Zialenski ŭ niadzielu pravioŭ śpiecyjalnuju naradu pa sankcyjach suprać Rasii, dzie razmova išła pra sposaby dziaržavy-ahresara abyści ich.
Uładzimir Zialenski. Fota: Ofis prezidenta Ukrainy
«Siońnia pravioŭ śpiecyjalnuju naradu pa sankcyjach. HUR, Słužba źniešniaj raźviedki, urad, Ofis. Vielmi padrabiazna praanalizavali, jak Rasija abychodzić sankcyi i chto joj dapamahaje. Roznyja krainy, roznyja kampanii, bieź jakich Rasija nie zmahła b vyrablać srodki teroru, u pryvatnaści rakiety», — skazaŭ Zialenski, piša «Ukrainskaja praŭda».
Pa słovach prezidenta Ukrainy, Rasii atrymlivajecca vykarystoŭvać technałohii praź sietku pastaŭščykoŭ, abychodzić mižnarodnyja sankcyjnyja režymy.
«My bačym kožny kirunak abychodu najaŭnych sankcyj, kožnuju krainu, čyja terytoryja abo jurysdykcyja, čyje hramadzianie vykarystoŭvajucca Rasijaj dla praciahu teroru. I my pavinny zakryć usie takija kirunki — razam z partniorami, — kab nie było ŭ rasijskich rakietach, u rasijskaj zbroi pradukcyi volnaha śvietu. Nieabchodnyja kroki buduć».
