Znajści
Ałharytmičny łacinski varyjant
05.06.2023 / 14:221RusŁacBieł

U Biełarusi ŭ prodažy znoŭ źjavilisia słavutyja niamieckija šakaładki. Ale nie ŭsie

Uśled za Ritter Sport, Toffifee i Merci na pryłaŭki minskich kramaŭ viarnułasia i pradukcyja brenda Schogetten.

Fota: Tochka.by

U prodažy znoŭ źjaviŭsia papularny niamiecki šakaład Schogetten, jaho nie było na pryłaŭkach amal dva hady, piša Tochka.by.

Kandytarski vyrab, jak i mnohija inšyja, trapiŭ pad sankcyi, bo vyrablajecca ŭ Niamieččynie.

Ciapier šakaładki Schogetten pastaŭlaje novy imparcior. Kali raniej hetym zajmałasia «Alfa Dystrybucyja», to ciapier — «Łahistyčnaja kampanija Uschod», prapisanaja ŭ Minsku.

Kaštuje šakaład Schogetten, na ździŭleńnie, niadoraha. Jość tavary ŭ tym liku i na akcyi.

Da prykładu, desiert z małočnaj načynkaj, praline i salonaj karamiellu kaštuje ŭ sietcy «Susiedzi» 3 rubli 81 kapiejku. Z dyskontnaj kartaj budzie tańniej — 2,99 rubla.

Fota: Tochka.by

Samy darahi Schogetten — małočny bieły — 4 rubli 11 kapiejek, ale sa źnižkaj budzie 3,19 rubla.

Kali budzie Toblerone?

A voś lubimy mnohimi šviejcarski šakaład Toblerone pakul tak i nie viarnuŭsia na biełaruskija pryłaŭki. Moža, heta časovaja źjava?

Pakul biełarusy kuplajuć Toblerone praz rasijskija markietpłejsy albo zamaŭlajuć u znajomych u Jeŭropie.

Biełaruś u adkaz na ŭviedzienyja šmatlikija sankcyi z boku krain Zachadu ŭviała z 1 studzienia 2022 hoda ŭ dačynieńni da šeraha tavaraŭ charčovaje embarha.

U śpis trapiŭ i jeŭrapiejski šakaład. Asartymient impartnaha desiertu rytejł chutka zamiaściŭ rasijskim i tureckim. U taho ž Ritter Sport apieratyŭna znajšoŭsia vielmi padobny turecki anałah.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
1
Ха-ха
1
Ого
1
Сумна
0
Абуральна
2
0
Kamarylja Kałhasaŭna/adkazać/
05.06.2023
Nie žyćcio, a dziŭny son.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera