U Homielskaj vobłaści KDB pravodzić antyterarystyčnyja vučeńni. Praviarajuć hramadzianski transpart
Mižviedamasnaje antyterarystyčnaje vučeńnie projdzie ŭ Homielskaj vobłaści z 5 pa 7 červienia. U im, akramia padraździaleńniaŭ Kamiteta dziaržaŭnaj biaśpieki, voźmuć udzieł pradstaŭniki siłavych viedamstvaŭ krainy, paviedamlajuć dziaržSMI.
Zdymak ilustracyjny
Jak paviedamlaje telehram-kanał @svetnaviny, z 5 červienia na Homielščynie pačynajucca mižviedamasnyja vučeńni «pa zabieśpiačeńni hatoŭnaści kampietentnych dziaržaŭnych orhanaŭ i inšych arhanizacyj da vykanańnia zadač pa spynieńni dziejnaści terarystyčnych arhanizacyj i niezakonnych uzbrojenych farmiravańniaŭ».
Scenarom vučeńniaŭ praduhledžana vykarystańnie vajskovaj techniki, mahčymyja abmiežavańni ruchu transpartnych srodkaŭ.
Jak pišuć homielskija pravaabroncy, u Śvietłahorsku, naprykład, siłaviki praviarajuć uvieś transpart, jaki ruchajecca na ŭjezd i vyjezd z horada.
