Stała viadoma, kudy piarojdzie Bienziema
Eks-forvard «Reała» padpisaŭ asnoŭnuju častku dakumientaŭ, kab stać hulcom saudaŭskaha «Al-Itychada».
Karym Bienziema pravioŭ u «Reale» 14 siezonaŭ i vyjhraŭ 25 trafiejaŭ, u tym liku 5 Lih čempijonaŭ. Fota: jaho instahram
Kantrakt budzie dziejničać da 2025 hoda i praduhledžvaje opcyju pradaŭžeńnia jašče na siezon, piša «Trybuna» sa spasyłkaj na žurnalista Fabrycya Ramana.
Učora «Reał» abjaviŭ, što hulec pakidaje kamandu.
Za «Reał» 35-hadovy Bienziema vystupaŭ z 2009 hoda. Na jaho rachunku 647 matčaŭ, jon byŭ druhim najlepšym bambardziram u historyi madrydcaŭ — 353 hały.
U składzie karaleŭskaha kłuba Karym vyjhraŭ «Załaty miač» 2022 hoda, taksama razam z kamandaj jon zavajavaŭ 25 trafiejaŭ.
«Al-Itychad» u siezonie-2022/23 staŭ čempijonam Saudaŭskaj Aravii.
Čytajcie taksama:
Lehiendarny futbalist Złatan Ibrahimavič abviaściŭ pra zaviaršeńnie karjery
Stanisłaŭ Drahun abviaściŭ pra zaviaršeńnie karjery. Jon byŭ u «čornym śpisie» Minsportu
