Minabarony Ukrainy nazvała epicentram bajoŭ nie toj kirunak, pra jaki pišuć rasijanie
Namieśnik ministra abarony Ukrainy Hanna Malar paćvierdziła taktyčny nastup USU, ale nie na paŭdniovym kirunku (pra jaki siońnia šmat pišuć rasijanie), a pad Bachmutam.
Malar napisała ŭ telehram-kanale, što va Ukrainie praciahvajecca abarončaja apieracyja, jakaja źmiaščaje ŭ tym liku i kontrnastupalnyja dziejańni.
«U pryvatnaści, epicentram bajavych dziejańniaŭ zastajecca bachmucki kirunak. Tam my ruchajemsia davoli šyrokim frontam. Majem pośpiech. Zajmajem vyšyni. Vorah u abaronie, choča ŭtrymać pazicyi.
Na poŭdni vorah u abaronie. Praciahvajucca bai miascovaha značeńnia», — napisała jana.
Pavodle jaje, rasijanie aktyŭna zapuskajuć infarmacyju ab kontrnastupleńni, kab adciahvać uvahu ad paražeńniaŭ na bachmuckim kirunku.
Raniej Malar papiaredžvała, što pra kontrnastup Ukraina nie budzie paviedamlać.
Čytajcie taksama:
USU prasunulisia ŭ Danieckaj i Zaparožskaj abłaściach — ISW
Pačalisia bai ŭ rajonie Uremieŭskaha vystupu — kiraŭnik akupacyjnaj administracyi
«Płany lubiać cišyniu» — Minabarony Ukrainy
