Znajści
Ałharytmičny łacinski varyjant
05.06.2023 / 18:48RusŁacBieł

Staŭ viadomy jašče adzin vypadak śmierci zatrymanaha ŭ RUUS. Jon adbyŭsia dva hady tamu

Aljansu rasśledavalnikaŭ Biełarusi pry dapamozie «Kibierpartyzanaŭ» udałosia daviedacca jašče pra adnu śmierć, pra jakuju nie paviedamlała MUS, piša «Biełsat».

Ranicaj 8 śniežnia 2020 hoda ŭ ADS Zavodskaha RUUS Minska byŭ znojdzieny miortvym Michaił Bokuć 1976 hoda naradžeńnia.

Napiaredadni ŭviečary jaho zatrymaŭ učastkovy inśpiektar milicyi HAM № 3 Zavodskaha RUUS major milicyi Pcicyn.

Na momant zatrymańnia ŭ Bokucia nie miełasia cialesnych paškodžańniaŭ, ale praz 11 hadzin i 49 chvilin jaho znajšli miortvym u budynku RUUS. Bryhada chutkaj miedyčnaj dapamohi kanstatavała śmierć.

Dakumient, pieradadzieny rasśledavalnikam

Kiraŭnictva HUUS Minharvykankama pryznačała ŭnutranuju pravierku, RASK pa Zavodskim rajonie Minska admoviŭsia ŭzbudžać kryminalnuju spravu.

Jak vynikaje sa śpiecdaniasieńnia načalnika HUUS Minharvykankama ministru ŭnutranych spraŭ Kubrakovu, Bokuć byŭ dastaŭleny ŭ milicyju, bo jaho nakiravali na prymusovaje lačeńnie ŭ ŁPP. 

Tam taksama paznačana, što Bokucia sudzili pa «administracyjkach» (artykuły za ŭžyvańnie ałkaholu ŭ hramadskich miescach, naŭmysnaje pryčynieńnie cialesnaha paškodžańnia i h. d.), ale da kryminalnaj adkaznaści jon nikoli nie pryciahvaŭsia. 

Dahetul niama nijakaj infarmacyi, što stała pryčynaj śmierci Michaiła Bokucia.

Siońnia stała viadoma, što na minułych vychadnych u Lidskim RAUS raptoŭna pamior 37-hadovy miascovy paet, udzielnik fiestyvalaŭ sučasnaha mastactva Dźmitryj Sarokin.

Najbolš rezanansnym vypadkam śmierci biełarusaŭ u adździełach milicyi stała historyja Źmitra Uschopava.

Žychar Rečycy Homielskaj vobłaści, 27-hadovy Uschopaŭ pamior u noč z 31 śniežnia 2021 hoda na 1 studzienia 2022 hoda. Milicyjanty zatrymali jaho na aŭtobusnym prypynku, a praź dźvie hadziny jon pamior u špitali. Rodnyja Źmitra ŭpeŭnienyja, što jaho da śmierci źbili ŭ RAUS. U Śledčym kamitecie śćviardžali, što Uschopavu «stała drenna» pa darozie ŭ balnicu. 

Čytajcie taksama:

U Rečycy vynieśli prysud Dźmitryju Uschopavu, jaki zahinuŭ na Novy hod paśla zatrymańnia siłavikami. Sudzili jaho, a nie siłavikoŭ

«Łoŭla chajpu na mierćviaka». BT pakazała siužet pra zahinułaha ŭ navahodniuju noč Uschopava. Ci možna hetamu vieryć?

«Na praktycy takich vypadkaŭ u mianie i kaleh nikoli nie było». Sudmiedekśpierty acanili viersiju SK ab śmierci Uschopava ad ałkahola i marychuany

Śviedku zatrymańnia zahinułaha žychara Rečycy Dźmitryja Uschopava evakujavali ź Biełarusi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
1
Ха-ха
0
Ого
0
Сумна
6
Абуральна
26
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera