«Abliŭ dźviery sinie-žoŭtaj farbaj i sprabavaŭ padpalić». Mastaka-akcyjanista z Kryma asudzili na 15 hadoŭ
Krymskaha mastaka-akcyjanista Bahdana Zizu rasijski vajskovy sud u Rastovie-na-Donie prysudziŭ da 15 hadoŭ źniavoleńnia ŭ kałonii ahulnaha režymu. Pieršyja čatyry hady jamu treba budzie pravieści ŭ turmie.
Skrynšot videa telehram-kanała «Krym 24»
Nočču 16 maja 2022 hoda Ziza abliŭ dźviery administracyi Jeŭpatoryi farbaj koleraŭ ukrainskaha ściaha i pasprabavaŭ padpalić ich, pratestujučy suprać vajny. Jaho zatrymali na nastupny dzień, piša vydańnie «Hrati».
Zizie pastavili ŭ vinu ŭčynieńnie terakta, pahrozu ździajśnieńnia terakta i zakliki da teraryzmu za videazvarot, jaki jon zapisaŭ adnačasova z akcyjaj.
Ziza pryznaŭ, što pravioŭ antyvajennuju akcyju, ale nastojvaŭ, što jana nikomu nie naškodziła. Prakuror prasiŭ dla mastaka 18 hadoŭ źniavoleńnia.
U apošnim słovie Ziza znoŭ kazaŭ pra nieabchodnaść vystupać suprać vajny i niebiaśpieku maŭčańnia. Paśla hetaha jon abviaściŭ haładoŭku z 10 červienia, zapatrabavaŭšy pazbavić jaho rasijskaha hramadzianstva i vyzvalić z rasijskich turmaŭ usich ukrainskich palitviaźniaŭ.
Bahdan Ziza. Fota: sacyjalnyja sietki
