Ministerstva justycyi admoviła pieršaj partyi ŭ pierarehistracyi
Padstavaj zrabiłasia adsutnaść śpisu siabroŭ partyi. Pra heta piša «Jeŭraradyjo».
Miniust nahadaŭ, što sioleta praviły rehistracyi źmianilisia. I ciapier akramia standartnaj zajavy i pakieta dakumientaŭ treba padavać nie tolki infarmacyju pra kolkaść siabroŭ partyi, ale i śpis usich siabroŭ.
U hetym śpisie pavinny być «paznačanyja proźvišča, imia, imia pa baćku, data naradžeńnia, hramadzianstva, miesca žycharstva, miesca pracy (vučoby), numar kantaktnaha telefona kožnaha siabra partyi».
«Zialonyja» kažuć, što buduć abskardžvać hetaje rašeńnie. Jany pryncypova nie padavali śpis siabroŭ: spasłalisia na zakon «Ab abaronie piersanalnych źviestak».
Taksama nie padała śpisy siabroŭ i biełaruskaja partyja «Spraviadlivy śviet».
Čytajcie taksama:
«Havorki pra sychod u padpolle niama». Lidary palityčnych partyj ahučyli svaje płany
