Biełaruś nie vybrali ŭ Radu Biaśpieki AAN
Biełaruś nie vybrali niepastajannym siabram Rady Biaśpieki AAN na 2024-2025 hady. Biełaruś atrymała 38 hałasoŭ, Słavienija — 153, jak paviedamlaje reform.by.
Skrynšot tranślacyi. Krynica: reform.by
Na hetaje miesca pretendavali dźvie krainy: Biełaruś i Słavienija. Pry hetym Słavienija vyłučyła svaju kandydaturu ŭ 2021 hodzie, što aburyła biełaruski bok.
Biełaruś u 2007 hodzie vyłučyła svaju kandydaturu na miesca niepastajannaha siabra Rady Biaśpieki AAN na 2024-2025 hady ad Uschodniejeŭrapiejskaj hrupy. Na praciahu piatnaccaci hadoŭ Respublika Biełaruś była adzinym kandydatam ad hrupy.
9 śniežnia 2021 hoda svaju kandydaturu na heta ž miesca ŭniesła Słavienija, choć jašče ŭ 2017 hodzie jana ŭžo ŭniesła ŭ hrupie svaju kandydaturu na 2042-2043 hady.
Vyłučeńnie Słavienii ŭ jakaści kandydata ŭ niepastajannyja siabry Rady Biaśpieki AAN na 2024-2025 hady — palityzavanaje rašeńnie, jak zajaviŭ pastajanny pradstaŭnik Biełarusi pry AAN Valancin Rybakoŭ.
