Niamieččyna pieradaść Ukrainie partyju BMP Marder. Jany stareńkija, ale majuć niebłahija charaktarystyki
Niamieckaja karparacyja Rheinmetall rychtuje novuju partyju bajavych mašyn piachoty dla adpraŭki va Ukrainu.
BMP Marder — asnoŭnaja niamieckaja BMP. Fota Bundeswehr
«Kampanija abviaściła ŭ aŭtorak na svajoj vytvorčaj placoŭcy va Unterlusie (Nižniaja Saksonija), što atrymała zakaz ad Fiederalnaha ministerstva abarony na 20 bajavych mašyn piachoty Marder», — havorycca ŭ paviedamleńni.
Zbrojniki śćviardžajuć, što hetyja mašyny pryznačanyja dla Ukrainy. Ich adpraviać da kanca lipienia. Takija karotkija terminy kažuć pra adpraŭku mašyn, jakija nie patrabujuć praciahłaha kapitalnaha ramontu, piša UNIAN.
Marder (dasłoŭna — «kunica») — heta davoli staraja BMP, stvoranaja niamieckimi inžynierami ŭ kancy 1960-ch. Jaje vypuskali až da 1975 hoda. Usiaho vypuścili bolš za 2 tysiačy štuk. BMP Marder pa klučavych paramietrach abaronienaści pieraŭzychodziła ŭsich svaich sučaśnikaŭ i mieła vysokuju ruchomaść. Da taho ž mašyny prachodzili niekalki etapaŭ madernizacyi
Raniej Niamieččyna pastaviła Ukrainie 40 BMP Marder. Pałovu daŭ Bundeśvier, to-bok niamieckaja armija, a druhuju pałovu — sam zavod Rheinmetall, u jakoha taksama jość zapasy hetych stareńkich BMP.
Hetyja mašyny pastavili jašče ŭ sakaviku, što paćvierdziŭ kiraŭnik Minabarony Reźnikaŭ.
Čytajcie taksama:
Ministr abarony Ukrainy pakazaŭ niamieckija Marder i prajechaŭ na adnym ź ich
