«Kab i Minsk uziaŭ u hetym udzieł». U Dziarždumie zaklikali Biełaruś bolš aktyŭna dapamahać u vajnie suprać Ukrainy
Rasija pavinna damahčysia bolš aktyŭnaha ŭdziełu Biełarusi ŭ śpiecapieracyi (tak rasijskaje kiraŭnictva i prapahanda nazyvajuć poŭnamaštabnaje ŭvarvańnie va Ukrainu). Pra heta ŭ razmovie z ura.ru zajaviŭ pieršy namieśnik staršyni kamiteta Dziarždumy pa spravach SND i suviaziach z suajčyńnikami Kanstancin Zatulin.
Kanstancin Zatulin. Fota: Dziaržduma Rasii
«Što było b karysna z ulikam hieahrafičnaj blizkaści — heta damahčysia taho, kab i Biełaruś uziała ŭ hetym udzieł. Kali nie naŭprost, to hetak ža, jak i na pieršym etapie śpiecyjalnaj apieracyi, dać svaju terytoryju dla taho, kab našy ŭzbrojenyja siły mahli z hetaj terytoryi dziejničać, kali takaja nieabchodnaść paŭstanie. A jana, całkam mahčyma, paŭstanie», — skazaŭ Kanstancin Zatulin.
Raniej Rasija i Biełaruś padpisali dakumient ab raźmiaščeńni niestratehičnaj jadziernaj zbroi ŭ Respublicy. Dziaržsakratar Rady biaśpieki Alaksandr Valfovič patłumačyŭ, što rašeńnie ab raźmiaščeńni jadziernaj zbroi ŭ Biełarusi pryniali, kab Zachad nie «pierajšoŭ apošniuju čyrvonuju rysu».
Čytajcie taksama:
U Dziarždumie paćvierdzili infarmacyju ab prablemach sa zdaroŭjem u Łukašenki
