Biełaruskich vieślaroŭ dapuścili da mižnarodnych spabornictvaŭ. Ale «čaćviorki» i «vaśmiorki» zabaronienyja
Mižnarodnaja fiederacyja viaślarnaha sportu (World Rowing) apublikavała ŭmovy ŭdziełu dla biełaruskich i rasijskich spartsmienaŭ u spabornictvach u niejtralnym statusie.
Fota: Team.by
Jak paviedamlaje pres-słužba NAK Biełarusi, pradstaŭniki akademičnaha viesłavańnia atrymali dopusk ad World Rowing na nastupnyja starty:
— Čempijanat śvietu pa akademičnym viesłavańni siarod junakoŭ da 19 hadoŭ (Paryž, Francyja). Usie kłasy łodak akramia 8+ i 4+.
— Čempijanat śvietu pa akademičnym viesłavańni da 23 hadoŭ (Płoŭdziŭ, Bałharyja). Tolki ŭ łodkach-adzinočkach i dvojkach.
— Čempijanat śvietu pa akademičnym viesłavańni (Białhrad, Sierbija). Tolki ŭ łodkach-adzinočkach i dvojkach, uklučajučy lohkuju vahu ŭ adzinočnym razradzie.
Viesłavańnie dla biełarusaŭ — topavy vid sportu. Biełaruskaja kamanda zaŭsiody pryvoziła miedali z čempijanataŭ śvietu i alimpijadaŭ.
Čytajcie taksama:
Polšča farmuje mižnarodnuju kaalicyju, kab nie dapuścić biełarusaŭ i rasijan na Alimpijadu
Dyk ci pajedzie Niedasiekaŭ na Alimpijadu? Voś čaho čakać ad asłableńnia spartovaha banu
