Mašynistam biełaruskaha ciahnika, jaki praz dyviersiju syšoŭ z rejek u Branskaj vobłaści, uručyli padziaku ministra
Mašynistu ciepłavoza Vitalu Fiedarcovu i pamočniku mašynista ciepłavoza Ramanu Puzyrynu 31 maja va ŭračystaj abstanoŭcy ŭ łakamatyŭnym depo «Homiel» uručyli padziaki načalnika Biełaruskaj čyhunki. Na heta źviarnuła ŭvahu supolnaść čyhučnikaŭ.
Usie fota: gomelrw / Telegram
Uručać padziaku ŭ Homiel pryjechali ź Minska načalnik słužby łakamatyŭnaj haspadarki Dźmitryj Holnieŭ i načalnik słužby arhanizacyjna-pravavoj raboty Andrej Kaško.
«Łakamatyŭnaja bryhada ŭznaharodžanaja za apieratyŭnyja i słušnyja dziejańni, jakija dazvolili minimizavać nastupstvy niestandartnaj situacyi», — havorycca ŭ paviedamleńni, raźmieščanym u kanale homielskich čyhunačnikaŭ.
1 maja ŭ Branskaj vobłaści na pierahonie Rasucha — Unieča biełaruski čyhunačny sastaŭ z 60 vahonami, hružany naftapraduktami i piłamateryjałami, syšoŭ z rejek praz paškodžańnie pałatna. Pavodle aficyjnaj infarmacyi, u vyniku dyviersii nichto nie paciarpieŭ.
