Znajści
Ałharytmičny łacinski varyjant
07.06.2023 / 23:4614RusŁacBieł

Chto takija vambaty? Jak łukašystaŭ padzialiła na dva łahiery adno pytańnie

Pohlady niekatorych prychilnikaŭ łukašenkaŭskaj ułady mohuć być zanadta radykalnymi navat dla svaich.

Ihar Marzaluk, Volha Bondarava, Marat Markaŭ. Fota: BiełTA, «Hrodzienskaja praŭda», skryn ANT

Pytańnie, pa jakim u prychilnikaŭ režymu nie syšlisia pohlady, — padtrymka ruskaha śvietu. Pakul adny prasoŭvajuć naratyvy ruskaha śvietu i paŭsiul bačać «uščamleńnie ruskaj movy» i rusafobiju, inšyja hatovyja zastupicca i za biełaruskuju movu, i časam navat za łacinku.

Tych, chto za ruski śviet, inšy łahier nazyvaje «vambatami». Mianuška naradziłasia dziakujučy internet-miemu, imavierna, pra toje, što ekskremienty vambata majuć kvadratnuju formu.

Dakładnyja pryčyny vybaru akurat hetaha aznačeńnia dla prychilnikaŭ ruskaha śvietu nazvać składana.

«Vambaty» — heta sinonim «kałaradaŭ», jak piša ŭ svaim kanale praŭładnaja mastačka Śviatłana Žyhimont.

Chto ž da jakoha łahiera naležyć?

U hrupie padtrymki ruskaha śvietu — praŭładnaja mastačka Śviatłana Žyhimont (jana napisała pastaralny partret Łukašenki pad drevam), prarasijskaja aktyvistka Volha Bondarava i jaje kamanda. Inšyja piersanažy — mienš viadomyja.

Jany ŭsurjoz zakłapočanyja, što na šyldach u haradach i muziejach mała ruskaj movy. «Miakkaja pałanizacyja» — takuju pahrozu prychilniki ruskaha śvietu bačać u łacincy i biełaruskaj movie, a taksama ŭ nacyjanalnych kaštoŭnaściach.

U inšym łahiery — historyk i deputat Ihar Marzaluk, kiraŭnik ANT Marat Markaŭ (a taksama inšyja supracoŭniki kanała), Illa Biehun (jon u 2020-m vydavaŭ siabie za prychilnika pieramien).

Niekatoryja z łukašystaŭ u hety łahier zapisvajuć i prapahandysta Ryhora Azaronka.

«Ja biełaruskuju movu nikoli nie miłavaŭ. Usio ž vyras u horadzie, asiarodździe było pahałoŭna ruskamoŭnaje, siamja dyk uvohule z usiaho SSSR, miascovych niama nikoha. Ale voś apošni hodzik-dva prychodžu da dumki, što jość rečy, jakija treba abierahać, navat kali ciapier ty ŭ ich nie bačyš patreby. Mnohija rečy prychodziać z uzrostam. I značna kryŭdniej, kali momant prapuściŭ i ŭžo da momantu, kali ty paśpieješ pahruzicca ŭ tuju ž kłasiku miascovaj litaratury abo tyja ž teatralnyja pastanoŭki, hetaha nie budzie. Stracić movu vielmi lohka. Viarnuć ža niemahčyma», — pisaŭ Biehun u svaim kanale.

Pra Žyhimont i Bondaravu jany pišuć jak pra ludziej, jakija tolki prykryvajucca patryjatyzmam, a papraŭdzie škodziać dziaržavie.

«Ich «biełorusskaja mojva», «Biełarusi nužna totalnaja dienacifikacija», «płoška pieramochi», «obriezannaja viersija podviha», «minzdoch», «nacistskaja blevotina», «profnieprihodnyj ministr», i ŭsie inšyja «zasłuhi» pierad ajčynaj pavinny całkam pierakreślić usiakuju mahčymaść źviartacca da dziaržavy sa svaimi chaciełkami i danosami, pakul karma nie budzie adnoŭlenaja», — pisała ŭ svaim telehram-kanale režysiorka ANT Natalla Ždanovič.

Amatary ruskaha śvietu ŭ svaju čarhu zaklikajuć bajkatavać ANT.

U niejki momant sprečka navat vyjšła za miežy asabistych kanałaŭ łukašystaŭ — telekanał ANT zapościŭ źjedlivy dopis pra «vambataŭ» u svoj telehram-kanał.

U svajoj pazicyi abodva łahiery padtrymlivajuć Łukašenku. Tolki adny ličać nacyjanalnyja kaštoŭnaści pahrozaj paradku, a inšyja — važnym składnikam suvierenitetu, ale choć i ŭ svajoj interpretacyi. 

Čytajcie taksama:

«Ci varta peckacca, papularyzujučy hetuju hramadzianku?» Častka prapahandystaŭ pajšła vajnoj na Bondaravu

«Nastolki zabranzavieŭ». Bondarava napisała ŭ prakuraturu na Marzaluka

Moj siabar — łukašyst

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
47
Ха-ха
68
Ого
15
Сумна
8
Абуральна
14
0
Litwin /adkazać/
08.06.2023
Dieło dvižietsia k koncu, Mol letajet po dvorcu, Kakaja bol, kakaja bol, Vieś mir plujot na etu mol! Ždiom distancionnuju švabru, dla povyšienija duchovnoskriepnosti v Švabrostanie ...
0
panajechaŭšyja z rasiei nie majuć prava razvažać pra historyju, simvały i movu/adkazać/
08.06.2023
Naprykład tolki učora novaja kiroŭca TIUZ
z "biełaruskim imiam" Viera Polakova skazała, što zanadta šmat biełaruskamoŭnych śpiektaklaŭ a pavinna być 50/50%, tamu šta "dvujazyčije". A toje što 0 VUZaŭ biełaruskamoŭnych, škołaŭ amal niama, u abł. centrach 0 biełaruskamoŭnych škołaŭ. armija rasiejskamoŭnaja - panajechaŭšych heta nie chvaluje.

panajechaŭšy łapać sa śviardłoŭsku Hastiuchin (1946 h. n) (akcier dalnabojščykaŭ), kaža što pad BČB palili biełaruskija vieski (a Adamovič jaki pisaŭ pra spalenyja vieski takoho nie viedaŭ i padtrymlivaŭ BČB, voś durak, jak i hieroj vajny Bykaŭ). Ale ž łapciam sa śviardłoŭsku bačniej čym śviedkam vajny
0
ubp/adkazać/
13.06.2023
   kraina tamu i kraina što maje svaju movu-tyja chto razmaulaje na inšaj inšaziemcy
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930