Znajści
Ałharytmičny łacinski varyjant
07.06.2023 / 21:472RusŁacBieł

«Jany pavinny być tam pieršymi, kab ratavać žyćci». Zialenski raskrytykavaŭ AAN i Čyrvony Kryž za reakcyju na razbureńnie Kachoŭskaj HES

Supracoŭniki AAN i Čyrvonaha Kryža pavinny być na miescy katastrofy ŭ Chiersonskaj vobłaści, jakuju zatapiła ŭ vyniku praryvu Kachoŭskaj HES, adnak ich tam niama. Pra heta zajaviŭ prezident Ukrainy Uładzimir Zialenski ŭ intervju Bild, jak piša «Mieduza». Jon adznačyŭ, što rasčaravany reakcyjaj hetych arhanizacyj na zapyty Ukrainy ab dapamozie.

«My nie atrymali adkazu. Ja šakavany», — skazaŭ prezident Ukrainy, adznačyŭšy, što kali reakcyja i była, to vielmi dypłamatyčnaja.

«Toje, što ciapier adbyvajecca, — heta trahiedyja. Ekałahičnaja katastrofa i čałaviečaja katastrofa. Ludzi, žyvioły zahinuli. Z dachaŭ zatoplenych damoŭ ludzi mohuć bačyć tapielcaŭ, jakija prapłyvajuć mima. Heta možna bačyć ź inšaha boku. Vyvieźci ludziej z akupavanaj častki Chiersonskaj vobłaści vielmi składana», — dadaŭ Zialenski.

U vyniku razbureńnia płaciny, jakoje adbyłosia ranicaj 6 červienia, byli padtoplenyja kala piaci tysiač žyłych damoŭ u Chiersonskaj vobłaści. Ukrainskija ŭłady śćviardžajuć, što płacinu ŭzarvali rasiejskija vajskoŭcy. U Kramli zajaŭlajuć, što płacina źniščanaja «ŭ vyniku złačynnych dziejańniaŭ z boku ŭzbrojenych farmavańniaŭ Ukrainy».

Čytajcie taksama:

Čyrvony Kryž vinavacili ŭ dačynieńni da falsifikacyi vybaraŭ. Arhanizacyja abiacała razabracca. Hladzicie, jak razabralisia

Hiensaka biełaruskaha Čyrvonaha Kryža vinavaciać u hamafobii

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Nie šutka/adkazać/
07.06.2023
Tak, AAN i hety kryž prosto fikcyja, daremnaja strata hrošaj na ŭtrymańnie zhrai biurakrataŭ. Pryjdzie taki pu.... i usiamu pryjdzie pi. Poki śviet nie ŭśviadomić svaje jednaści, asabliva pierad takimi vyklikami, jakija stvarajuć niebiaśpieku isnavańnia samamu čałaviectvu, takija abjadnańni nic nie vartyja. Pytańnie, jak toje zrabić, kab ludzi žyli pa hłabalnych zakonach, a nie varjacieli, napadajučy adzin na adnaho .....
2
Vładisłav/adkazać/
07.06.2023
Biurakratyčnyja struktury daŭno zabylisia, jakija funkcyi jany pavinny vykonvać, kab apraŭdać svajo isnavańnie.
Jany z zadavalnieńniem zajmajuć ciopłyja pasady i ničoha nie robiać...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera