Znajści
Ałharytmičny łacinski varyjant
07.06.2023 / 21:5520RusŁacBieł

Pratasievič pad chatnim aryštam staŭ baćkam

Raman Pratasievič paśpieŭ nie tolki ažanicca padčas śledstva, ale i stać baćkam. Pra heta ŭ efiry telekanała «Dožd́» paviedamiŭ Anton Hašynski — advakat niadaŭna pamiłavanaj Sofji Sapiehi, piša «Lusterka». 

«My viedajem, što Pratasievič za čas, pakul znachodziŭsia pad śledstvam, pad damašnim aryštam paśpieŭ ažanicca ź inšaj dziaŭčynaj i staŭ baćkam», — skazaŭ Hašynski.

Jon paviedamiŭ, što Sapieha razmaŭlała z Pratasievičam na stadyi śledstva, padčas chatniaha aryštu, ale «ŭ peŭny momant hetyja stasunki byli spynienyja, i ich faktyčna padzialili».

«Jon daŭ pakazańni na Sofju Sapiehu», — paviedamiŭ advakat. Heta stała viadoma z materyjałaŭ, jakija pastupili ŭ Preśnienski sud Maskvy. «I, skažam tak, heta było peŭnym udaram i šokam dla ŭsich», — dadaŭ advakat.

Z apublikavanaha ŭ rasijskim sudzie prysudu, pavodle słoŭ Hašynskaha, možna zrabić vysnovu, što Pratasievič «daŭ na jaje pakazańni, faktyčna zdaŭ», i jaho słovy «paŭpłyvali na jaje los».

Siońnia, 7 červienia, stała viadoma, što Alaksandr Łukašenka pamiłavaŭ rasijanku Sofju Sapiehu.

Sapieha razam z Ramanam Pratasievičam byli zatrymanyja 23 maja ŭ vyniku prymusovaj pasadki ŭ Minsku samalota Ryanair rejsam Afiny — Vilnia. 

6 maja 2022 hoda Sapiehu asudzili da šaści hadoŭ kałonii. Sud pryznaŭ jaje vinavataj u raspalvańni sacyjalnaj varožaści, źlivie danych siłavikoŭ (sprava «Čornaj knihi Biełarusi»).

Raman Pratasievič byŭ asudžany 3 maja 2023 hoda na 8 hadoŭ kałonii ŭzmocnienaha režymu pa spravie Nexta. 22 maja jon byŭ pamiłavany

Da hetaha, znachodziačysia pad chatnim aryštam, Pratasievič ažaniŭsia. Tady jon zajaviŭ, što ŭ momant palotu na samalocie Ryanair, jaki ździejśniŭ zmušanuju pasadku ŭ Minsku, užo vyrašyŭ rasstacca z Sapiehaj.

Čytajcie taksama:

Kaho i čamu zdaŭ Raman Pratasievič. Heta historyja pra toje, jak adno fota moža źmianić usio žyćcio. Mnoha žyćciaŭ

Pratasievič pryjšoŭ na intervju na kanał Sałaŭjova. U jaho spytali, ci zabiŭ by jon Puciłu

Pratasievič daŭ pakazańni na Safiju Sapiehu — «Baza»

«Šalona ŭdziačny krainie i asabista prezidentu». Raman Pratasievič pamiłavany

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
7
Aleksiej/adkazać/
08.06.2023
Piecia, i druhije provokatory. Nastroiť protiv Protasieviča biełorusov vy nie smožietie. Umnyje ludi ponimajut jeho połožienije.
0
pochititiel snov/adkazać/
08.06.2023
[Red. vydalena]
0
Valet/adkazać/
08.06.2023
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera