Adzin z najlepšych dydžejaŭ Danii admoviŭsia ihrać na Viva Braslav: «Vy ŭryvajeciesia ŭ inšuju krainu, ja nie pavinien być častkaj hetaha»
Dydžej Marcin Jensen (Martin Jensen), jaki nie raz stanaviŭsia najlepšym dydžejem Danii, a ŭ 2016 hodzie trapiŭ u top-100 DJ Mag, daviedaŭšysia, što ŭ jaho zapłanavany set na fiestyvali Viva Braslav u Biełarusi, admoviŭsia ad udziełu, pra heta piša dackaje vydańnie Ekstra Bladet. Na publikacyju źviarnuŭ uvahu telehram-kanał motolkohelp.
Sa słoŭ žurnalistaŭ, kali jany spytali Marcina pra ŭdzieł u fiestyvali ŭ Biełarusi, jon spačatku zajaviŭ, što nie viedaje, dzie budzie vystupać, bo nie viedaje svajho hastrolnaha kalendara. Taksama jon skazaŭ, što ničoha nie viedaje nie tolki pra fest, ale i pra Łukašenku.
Adnak na nastupny dzień Jensen paviedamiŭ žurnalistam, što źviazaŭsia sa svaim kiraŭnictvam i admianiŭ vystup u Biełarusi, tamu što, pavodle jaho, ihra ŭ krainie, što ŭdzielničaje ŭ vajnie, nie adpaviadaje jaho palityčnym pohladam.
Fota: DjMartinJensen / Facebook
«Ja nie źbirajusia ihrać tam, bo nie padtrymlivaju ničoha palityčnaha abo źviazanaha z vajnoj. Muzyka pavinna być muzykaj. Ja razumieju, čamu nie pavinien tam ihrać. Tamu što, kali vy ŭryvajeciesia ŭ inšuju krainu, ja nie pavinien być častkaj hetaha. Tamu braniravańnie ciapier zakrytaje i spynienaje», — paviedamiŭ Marcin Jensen.
Čytajcie taksama:
Praz try hady viartajecca fiestyval LIDBEER
Na Viva Braslav, jak vyjaŭlajecca, nie dajeduć i zapłanavanyja chedłajniery
