Znajści
Ałharytmičny łacinski varyjant
08.06.2023 / 09:06RusŁacBieł

«U trendach dačy». Ekśpierty raskazali, što adbyvajecca z prodažam damoŭ i što budzie dalej

U mai pakazčyki prodažaŭ zaharadnaj nieruchomaści vyraśli, jak i čakali ryełtary. Dla pradaŭcoŭ dač ciapier apošni šaniec pradać svaje abjekty pa startavaj canie, potym ceny daviadziecca źnižać. Pačytajcie, jakimi nazirańniami padzialilisia ekśpierty z Realt.

Andrej Čarnyšoŭ, analityk ahienctva «Tvaja stalica», paraŭnoŭvaje hrafiki prodažaŭ zaharadnaj nieruchomaści z hornym chrybtom, a maj i červień — ź pikami na ich.

— Naprykład, u dakavidny čas i, u pryvatnaści, u 2019 hodzie zaharadnaja nieruchomaść dla patencyjnaha pakupnika razhladałasia ŭ vuzkim siehmiencie. Pierałomny momant adbyŭsia ŭ 2020-m praz karanavirus: praz žadańnie ludziej dystancyjavacca i zakrytyja miežy cikavaść da zaharadnaj nieruchomaści viarnułasia, u vyniku čaho my nazirali pik pa ździełkach. Pakul toj pieryjad nivodny nastupny siezon nie abahnaŭ.

Što tyčycca ciapierašniaj abstanoŭki, to pradaŭcy dač pavinny razumieć: kali jany nie paśpiejuć pradać u mai i červieni, dalej popyt na ich abjekty pojdzie na spad — heta nahladna vidać i na štohadovych hrafikach prodažaŭ. Takim čynam, źnizicca i cana.

Ciapier u trendach dačy: kala 70% ździełak prypadaje na ich. Pryčym hladziać abjekty roznych cenavym katehoryj i jakaści. 

Alternatyvaj vystupajuć katedžy.

— Kali pakupnik razhladaje abjekt vyšej za 40 tysiač dalaraŭ, prapanova pašyrajecca: možna vybirać pamiž dačami i damami, dzie možna žyć u ciopłyja pary hoda. 

Čałavieku, jaki choča być u kole ludziej, mieć nievialiki aharod, kłumby, adnaznačna padydzie lecišča. Tam nie treba šmat sił marnavać na hazon i dohlad za ŭčastkam. Kali chočacca samotnaści, to varta razhledzieć viosku, bo nie ŭ kožnaj vioscy jość vialikaja kolkaść ludziej navat uletku.

Ekśpiert zaŭvažyŭ jašče adno adroźnieńnie ad 2020 hoda. Tady biełarusy čaściej razhladali staryja damy. Ludziej pryciahvała nie sam budynak, a chutčej łakacyja. Pa sutnaści ŭčastak dastavaŭsia za kapiejki. U apošnija hady ŭ ahienctvie bačać značnaje padzieńnie cikavaści na takija abjekty. Jany stali niavyhadnymi, bo pakupniki nie mohuć sprahnazavać vynikovyja ŭkładańni.

— Damy kamfort-kłasa — ad 100 tysiač dalaraŭ — taksama karystalisia vialikim popytam u 2020 i 2021 hady. 

Patencyjnyja pakupniki hetaj katehoryi nieruchomaści ciapier źjechali z krainy, tamu takimi abjektami cikaviacca mienš, — adznačaje Andrej i dzielicca jašče adnym nazirańniem. — U katehoryi abjektaŭ zaharadnaj nieruchomaści da 50 tysiač najaŭnaść mebli i techniki ličycca biezumoŭnym plusam. U darahich chatach kamfort-kłasa jana ŭsio ž usprymajecca jak b/k. 

Jašče pradaŭcam treba razumieć, što razam z rostam jakaści abjekta rastuć i patrabavańni da mebli, azdableńnia i techničnaha abstalavańnia.

«Samy darahi abjekt u mai — dom daražejšy za 400 tysiač dalaraŭ»

Alaksandr Hrynman, kiraŭnik ahienctva nieruchomaści «Hrupa kampanij Maryełt», adznačyŭ, što pakazčyki prodažaŭ zaharadnaj nieruchomaści ŭ mai, jak i čakałasia, byli vyšejšymi, čym u papiarednija viasnovyja miesiacy.

— Dačy raźlacielisia jak piražki. Ale tak možna skazać i pra abjekty inšych katehoryj. Dobra pradavalisia damy ŭ kansiervacyi z maksimalnym pracentam hatoŭnaści i damy dla žyćcia ŭ pryharadzie Minska — da 30 km.

Samyja chadavyja abjekty dla pražyvańnia ŭvieś hod kaštavali ad 50 da 150 tysiač dalaraŭ. Dačy — ad 5 da 50 tysiač dalaraŭ. Kali košt rynkavy, to kuplajuć daču ci chatu ź pieršaha ci druhoha pakazu.

Samy darahi abjekt, jaki pradali ŭ mai — dom daražejšy za 400 tysiač dalaraŭ. Jon vystaŭlaŭsia na rynku bolš za paŭhoda. Heta narmalny pieryjad z ulikam taho, jakaja situacyja z hetym siehmientam siońnia.

Alaksandr upeŭnieny, što červień jašče pakaža dobry vynik pa zaharadnaj nieruchomaści.

— U minułym hodzie na rynku było šmat novych damoŭ prydatnych dla žyćcia da 50 tysiač dalaraŭ. 

U hetym siezonie takija abjekty doŭha nie zatrymlivajucca. Pry hetym kampanii i ludzi, jakija hetym zajmajucca, uzvodziać značna mienš takich damoŭ, bo raście košt materyjałaŭ. Za tuju sumu, jakuju jany atrymali pry prodažy, pabudavać niešta padobnaje ŭžo nie atrymajecca.

Ekśpiert adznačaje, što dla pražyvańnia pakupniki šukajuć dom u vioscy ci ahraharadku, bo tam možna zarehistravacca. Na luby napramak jość svaje pakupniki. Lepiej za ŭsio pradajucca łakacyi ŭ Bresckim baku, Hrodzienskim, Maskoŭskim, Łahojskim i Miadzielskim.

Što tyčycca pakupnikoŭ, jakija nabyvajuć damy pad inviestycyju, to za imi ahientam nazirać składaniej.

— Chutčej za ŭsio, hetyja ludzi kuplajuć nie pieršy taki dom i dobra raźbirajucca ŭ pytańni. Jany pahladzieli ŭsio, što pradajecca ŭ internecie i samastojna jeździać pa vioskach, šukajuć cikavyja łakacyi i abjekty, a potym damaŭlajucca z ułaśnikami.

«Niama pahoni za vialikimi ŭčastkami»

Śviatłana Nikiciuk z ahienctva «ETAŽI Fortie» taksama adznačaje rost prodažaŭ u mai. Vyznačyŭsia miesiac i tym, što ŭ hety pieryjad vyras popyt na damy ŭ sadovych tavarystvach. 

— Takuju cikavaść pakupnikoŭ da dač možna rastłumačyć, u pieršuju čarhu, dastupnym koštam. Dom u vioscy z padobnymi charaktarystykami abydziecca daražej. Ciapier niama pahoni za vialikimi ŭčastkami. Moładzi i ludziam va ŭzroście 10 sotak całkam dastatkova dla adpačynku i sadoŭnictva. U cełym pa Minskim rajonie ŭ krasaviku nie pradali nivodnaj dačy daražejšaj za 100 tysiač dalaraŭ, a ŭ mai — vyšej za hetuju sumu pradali ŭsiaho adnu. Sa 108 dač pajšli z canoju zvyš 50 tysiač dalaraŭ tolki 9 abjektaŭ. Asnoŭny popyt byŭ zasiarodžany na sadovych chatkach da 40 tysiač dalaraŭ.

Taksama ŭ dalejšym mahčymy rost popytu na dačy dziakujučy niadaŭna padpisanamu zahadu ab sadovych tavarystvach ad 30 maja 2023, jaki istotna palapšaje ich dziejnaść i daje mahčymaść apłačvać dačnikam elektraenierhiju pa lhotnych taryfach.

— Damy z kamunikacyjami pradajucca lahčej i daražej, čym bieź ich. I choć dačy pradajucca ciapier u bolšaj kolkaści, košt žyłych damoŭ značna vyšejšy. Što ŭ čarhovy raz nam paćviardžaje statystyka, bo pa Minskim rajonie pradali 16 žyłych damoŭ daražejšych za 100 tysiač, što značna bolš, čym leciščaŭ u hetym cenavym dyjapazonie.

Zvyčajna tyja, chto kuplaje damy dla žyćcia, pradajuć svaje kvatery, jak kaža Śviatłana.

— Darečy, kredyty na kuplu zaharadnaj nieruchomaści ŭ asnoŭnym biaruć tolki na bolš darahija abjekty dla pražyvańnia ŭvieś hod. Kupla dač i ŭčastkaŭ abychodzicca biez hetaha.

Asnoŭnaja masa ździełak pryjšłasia na druhuju pałovu maja, hetamu spryjali vialikija śviaty i pieranosy pracoŭnych dzion u kancy krasavika i pačatku maja. 

Śviatłana taksama zaŭvažaje, što popyt u hetym siezonie nie dasiahaje vyšyń 2020 hoda. Zakrytyja miežy i kavid tady maksimalna aktyvizavali rynak.

Siarod pradaŭcoŭ vialiki pracent zajmajuć biełarusy, jakija źjechali z krainy. Časta pradajuć nieruchomaść paśla ŭstupleńnia ŭ spadčynu abo ŭ suviazi sa skasavańniem šlubu. Siarod pradaŭcoŭ, viadoma, jość tyja, chto budavaŭ śpiecyjalna na prodaž, radziej — kali pačali budavacca, ale nie paciahnuli.

— Samy vysoki popyt na kuplu zaharadnaj nieruchomaści ŭ miežach Minskaha rajona, ale jość achvotnyja, jakija razhladajuć łakacyju i dalej. Niekatoryja hatovyja marnavać paŭtary hadziny na darohu, aby znajści ŭnikalnaje miesca ź jakasnym abjektam.

Redka, kali takija zapyty źviazanyja tolki z najaŭnaściu lesu, takich miescaŭ chapaje i na bližejšych adlehłaściach. A voś abjekt la vadajoma ci raki znajści značna składaniej, i kaštavać pablizu Minska jon budzie značna daražej, čym u inšym rehijonie Biełarusi. Takija pakupniki zvyčajna šukajuć chutar. 

Siarod ludziej z takim zapytam čaściej sustrakajucca amatary rybałki, palaŭničyja i tyja, chto maje mahčymaść źjechać na ŭsio leta, a taksama pradprymalniki, jakija płanujuć adkryć turystyčny biznes i zajmacca arendaj.

Čytajcie taksama:

Vyrasła kolkaść tych, chto kuplaje žyllo ŭ kredyt

U Drazdach na prodaž vystavili novy dom za try miljony dalaraŭ. Što ŭ im?

Pad Minskam pradajecca stylnaja dača z brusa i ź interjeram, jak u Pinterest. Cana — jak u dvuchpakajoŭki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
2
Ха-ха
1
Ого
4
Сумна
2
Абуральна
2
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031