Sinoptyki paabiacali navalnicy. A ŭ niadzielu stanie krychu chaładniej
Biełhidramiet raskazaŭ pra nadvorje na piatnicu i vychodnyja.
Fota: «Naša Niva»
U piatnicu nočču pieravažna biez apadkaŭ, ranicaj i dniom miescami, a na paŭdniovym uschodzie ŭ mnohich rajonach karotkačasovyja daždžy. Udzień miescami navalnicy, u paŭdniovych rajonach — mocnyja daždžy. Nočču +9..+15°S, miescami +6..+8°S, maksimalnaja tempieratura dniom +24..+29°S, miescami na poŭnačy +20..+23°S. U Minsku +26..+28°S.
U subotu na bolšaj častcy terytoryi karotkačasovyja daždžy, dniom miescami na paŭdniovym uschodzie navalnicy i mocnyja daždžy. Unačy ad +7°C na poŭnačy i da +16°C na poŭdni, dniom +16..+23°S, na zachadzie da +25°S. U Minsku +22°S.
U niadzielu kraina akažacca na pieryfieryi skandynaŭskaha antycykłonu, u paŭdniovych rajonach zachavajecca ŭpłyŭ frantalnaha padziełu. Pieravažna biez apadkaŭ, tolki na poŭdni krainy čakajucca karotkačasovyja daždžy. Viecier paŭnočna-ŭschodni, paryvisty, udzień miescami mocny, paryvisty. Nočču +5..+11°S, na poŭdni da +13°S; maksimalnaja tempieratura dniom +15..+22°S. U Minsku +20°S.
