Adzin zakančvaŭ univiersitet, inšy tolki atrymaŭ pavyšeńnie. Što viadoma pra zahinułych rabotnikaŭ Śvietłahorskaha celułozna-kardonnaha kambinata

Viktar Ramańkoŭ, Michaił Šacica, Aleh Kacuba. Fota: sacyjalnyja sietki

Avaryja adbyłasia na zavodzie bielenaj celułozy — vytvorčym padraździaleńni kambinata.

Usie zahinułyja mužčyny byli sa Śvietłahorsku, pracavali vyparščykami ščołaku.

24-hadovy Viktar Ramańkoŭ zavočna vučyŭsia ŭ Biełaruskim nacyjanalnym techničnym univiersitecie na budaŭničym fakultecie. Asvojvaŭ vytvorčaść budaŭničych vyrabaŭ i kanstrukcyjaŭ.

Zakančvaŭ 4 kurs i 12 červienia źbiraŭsia na siesiju. Byŭ starastam hrupy.

Viktar Ramańkoŭ. Fota: sacyjalnyja sietki

«Viktar byŭ starastam pa pryzvańni. Jon zavajavaŭ hetaje zvańnie. Zaŭždy ŭsich vyručaŭ i staraŭsia rabić dla hrupy tolki najlepšaje», — raskazała pra zahinułaha jaho znajomaja.

31-hadovy Michaił Šacica — vypusknik Śvietłahorskaha dziaržaŭnaha industryjalnaha kaledža. Praca na zavodzie jamu padabałasia. Niezadoŭha da avaryi Michaiła pavysili da majstra ŭčastka, i hetym jon hanaryŭsia, jak raskazała jaho znajomaja.

Michaił Šacica. Fota: sacyjalnyja sietki

Michaił byŭ u razvodzie. Mieŭ dačku.

«Niahledziačy na razvod, z dačkoj bačyŭsia časta i kłapaciŭsia pra jaje. Vielmi lubiŭ jaje», — kaža surazmoŭnica.

Pa jaje słovach, u Michaiła była siabroŭka, ź jakoj jon źbiraŭsia stvarać novuju siamju.

«Michaił byŭ dobrym, viasiołym i spahadnym čałaviekam. Lubiŭ parybačyć, — adznačaje žančyna.— Pra jaho zastalisia samyja ciopłyja ŭspaminy. Nie vierycca, što jaho bolš niama».

Alehu Kacubu było 42 hady.

Jon słužyŭ u zienitna-rakietnych vojskach i byvaŭ na vajskovych zborach.

Na celułozna-kardonnym kambinacie pracavaŭ bolš za 10 hadoŭ. Lubiŭ adpačynak na śviežym pavietry. Zachaplaŭsia rybałkaj.

Aleh Kacuba. Fota: sacyjalnyja sietki

Kiraŭnictva pradpryjemstva zapeŭnivaje, što siemji zahinułych atrymajuć materyjalnuju dapamohu. Pachavańni adbuducca za košt kambinata.

Pryčyny vybuchu dahetul nieviadomyja. 

Śledčy kamitet raspačaŭ kryminalnuju spravu pa fakcie parušeńnia praviłaŭ biaśpieki na vybuchaniebiaśpiečnym pradpryjemstvie. Śledčyja apytvajuć rabotnikaŭ. Vyniali dakumientacyju.

Avaryja na Śvietłahorskim celułozna-kardonnym kambinacie. Fota: sn.by

Pad viečar 7 červienia źjaviłasia infarmacyja, što padčas pošukava-vyratavalnych rabot na miescy avaryi znajšli pareštki traich čałaviek. 

Ranicaj 8 červienia pryznali, što zahinuli try rabotniki pradpryjemstva. Jašče dvoje atrymali cialesnyja paškodžańni.

Hladzicie taksama:

U sankcyjny śpis ZŠA trapiła biełaruskaje pradpryjemstva «Śvietłahorsk Chimvałakno»

Pradpryjemstva «Połack-Škłovałakno» niasie straty ad sankcyj

Blacha dla Rasii. Były rabotnik «Mietałaprakatnaj kampanii» raskazaŭ, jak pracuje zavod u Miorach

Vasil Vaščyła

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

1

0

0

0

35

5