Znajści
Ałharytmičny łacinski varyjant
08.06.2023 / 20:314RusŁacBieł

U Paŭnočnaj Karei zabaranili samahubstvy, bo jany ciapier ličacca «zdradaj Radzimie i sacyjalizmu»

Pavodle krynic ahienctva «Radyjo Svabodnaja Azija», Kim Čen Yn raźjušany vialikaj kolkaściu suicydalnych zapisak, u jakich ludzi ad hoładu i adčaju krytykujuć dyktatarski režym.

Kim Čen Yn razam sa svajoj dačkoj Čžu E. Fota: «Hołas Karei»

Kiraŭnik Paŭnočnaj Karei Kim Čen Yn vypuściŭ sakretny zahad ab poŭnaj zabaronie samahubstvaŭ, bo ličyć vykarystańnie suicydu ŭ jakaści pratestu suprać siabie absalutna niedapuščalnym. Pra heta paviedamiła ahienctva «Radyjo Svabodnaja Azija» sa spasyłkaj na svaje krynicy, znajomyja ź situacyjaj.

Pa infarmacyi krynic ahienctva, taki zahad staŭ adkazam na hihancki rost samahubstvaŭ ź pieradśmiarotnymi listami, u jakich ludzi krytykujuć režym Kim Čen Yna za tatalnuju represiŭnuju biazvychadnaść i žudasnyja ŭmovy isnavańnia hramadzian.

Adznačajecca, što kolkaść samahubstvaŭ u Paŭnočnaj Karei ŭ paraŭnańni ź minułym hodam pavialičyłasia na 40%, i ŭ pieršuju čarhu heta źviazana z halečaj, hoładam i represijami.

«Kanfidencyjny zahad ab praduchileńni i zabaronie samahubstvaŭ byŭ abvieščany na ekstrannych partyjnych pasiadžeńniach u kožnaj pravincyi Paŭnočnaj Karei. U krainie rezka pačaścilisia vypadki suicydu, bolšaja častka ź jakich zakranuła cełyja siemji. Plus da ŭsiaho ŭ mnohich vypadkach byli znojdzienyja pieradśmiarotnyja zapiski, u jakich ludzi krytykavali palityku ŭrada i ŭsiu sacyjalnuju sistemu. Z hetaha času samahubstvy ličacca zdradaj Radzimie i sacyjalizmu», — raskazaŭ ahienctvu «Radyjo Svabodnaja Azija» adzin z paŭnočnakarejskich čynoŭnikaŭ na ŭmovie poŭnaj ananimnaści z pryčyny biaśpieki.

Čynoŭnik apisaŭ niekalki vypadkaŭ, jak cełyja siemji razam ź dziećmi i starymi dobraachvotna prymali pacučynuju atrutu, cyjanisty kalij i vykarystoŭvali inšyja mietady suicydu, kab prosta nie žyć u Paŭnočnaj Karei i pazbavicca hoładu i pakut.

Na jaho dumku, śmierć stała adzinaj formaj niepadparadkavańnia bieznadziejnaj i kryvažernaj sistemie.

Akramia taho čynoŭnik dadaŭ, što z hetaha času za adsutnaść prahresu ŭ praduchileńni samahubstvaŭ buduć nieści kalektyŭnuju adkaznaść sami miascovyja ŭłady i ich siemji.

Čytajcie taksama:

U KNDR pierajmianoŭvajuć ciozak dački Kim Čen Yna

Biez Wi-Fi i pieradačy źviestak: jak vyhladajuć smartfony ŭ Paŭnočnaj Karei 

Kolki palitviaźniaŭ pamierła ci źviało rachunki z žyćciom praź nievynosnyja ŭmovy za kratami

Mark Rychter

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Hielenouski/adkazać/
08.06.2023
A paśla samahubstva stakan śmiarotnaje pakarańnie
0
Praŭdarub/adkazać/
08.06.2023
Chachacha rahaču ŭ hałasinu! A chaj by jašče prydumali pakarańnie niejkaje za toje, što čałaviek ździejśniŭ akt samahubstva. Naprykład, prymieniać śmiarotnaje pakarańnie dla tych, chto ździejśniŭ suicyd 
4
Gorliwy Litwin/adkazać/
09.06.2023
Vydatna aryjencir dla Siniavokaj! ale ŭ biełarusoŭ zapas tryvałaści značna vyšejšy, jak by hajki nie zacisnuli, nie pabiahuć samahubicca. Pamiatajučy bieśśmiarotny zapaviet Ščyraj Etnaviaskovaj Maci: A moža, tak i treba?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera