Bieraściejec abraziŭ dvuch amapaŭcaŭ i atrymaŭ try miesiacy aryštu
U sudzie Maskoŭskaha rajona Bresta 16 maja asudzili Hienadzia Darožkina pavodle art. 369 (abraza pradstaŭnika ŭłady) Kryminalnaha kodeksa. Sudździa Jaŭhien Brehan pryznačyŭ Hienadziu try miesiacy aryštu, piša «Viasna».
Hienadzia abvinavacili ŭ tym, što jon u studzieni 2022 hoda ŭ telehram-kanale pakinuŭ abraźlivy kamientar u adras namieśnika kamandzira apieratyŭnaj roty pa ideałahičnaj rabocie i kadravym zabieśpiačeńni atrada milicyi asobaha pryznačeńnia UUS Bresckaha abłvykankama R. Taksama Hienadź u lutym taho ž hoda pakinuŭ abraźlivy kamientar pad fotazdymkam u telehram-kanale ŭ adras supracoŭnicy apieratyŭnaj roty atrada milicyi asobaha pryznačeńnia UUS Hrodzienskaha abłvykankama B.
Mužčyna całkam pryznaŭ svaju vinu i raskajaŭsia ŭ ździejśnienym.
Taksama sud pryznačyŭ spahnać z Hienadzia ŭ jakaści maralnaj škody 2000 rubloŭ na karyść milicyjantki B., 200 rubloŭ z ulikam raniej spłočanych srodkaŭ na karyść milicyjanta R. U mužčyny kanfiskavali mabilny telefon jak srodak ździajśnieńnia złačynstva.
Čytajcie taksama:
U Navapołacku zatrymali dvuch muzykaŭ
«Žoncy psichałahična ź dziećmi składana». Andrej Dźmitryjeŭ čakaje razhladu apielacyi
