«Kibierpartyzany» papiaredžvajuć: nie viadziciesia na fejki
Luby kanflikt u demakratyčnych siłach režym Łukašenki budzie imknucca vykarystać na svaju karyść, nahadvajuć «Kibierpartyzany», papiaredžvajučy, da čaho treba rychtavacca ŭ suviazi ź ciapierašniaj situacyjaj z «Bajpołam».
Pierš za ŭsio, treba być aściarožnymi z roznymi kanałami, bo siarod ich mohuć być fejkavyja.
Užo ciapier, jak adznačajecca, u telehramie prasoŭvajuć kanał, jaki viadziecca nibyta ad imia Azarava, i na im raźmieščany padstaŭnyja spasyłki.
Druhaja niebiaśpieka — rassyłki z dezynfarmacyjaj.
Nie varta vieryć tym rassyłkam u čatach, u jakich paviedamlajecca siensacyjnaja i skandalnaja infarmacyja, zaŭsiody varta praviarać krynicu.
Urešcie, treciaja niebiaśpieka, jakaja moža paciahnuć za saboj ciažkija nastupstvy, — padstaŭnyja boty.
«Kibierpartyzany» miarkujuć, što, chutčej za ŭsio, zaraz łukašysty zapuściać rassyłku z botami nibyta dla abnaŭleńnia zhublenych źviestak płana «Pieramoha» abo ad imia «abnoŭlenaha składu «Bajpoła».
Tamu nie treba ničoha pisać u boty, jakija raspaŭsiudžvajucca nie praz aficyjnyja kanały.
Infarmacyju pra toje, što nibyta dostup da baz danych «Bajpoła» znachodzicca ciapier u «Kibierpartyzanaŭ», jany taksama nazyvajuć fejkam.
Čytajcie taksama:
Durnota ci zdrada? Kamientar «Našaj Nivy» pra situacyju ŭ «Bajpole»
Chranałohija kanfliktu ŭ «Bajpole» — što za čym adbyłosia
Abjadnany pierachodny kabiniet pačaŭ pravierku pa situacyi z «Bajpołam»
