U Minsku na vychadnych projdzie maštabnaja vystava katoŭ
Mierapryjemstva pad ehidaj Suśvietnaj fiederacyi katoŭ prachodzić tolki raz na hod.
Kłub «Mistar Kot» pradstaŭlaje samuju maštabnuju i jarkuju vystavu hoda, jakaja projdzie ŭ minskim Pałacy sportu 10 i 11 červienia pad ehidaj Suśvietnaj fiederacyi katoŭ, piša Tochka.by.
U prastornaj zale płoščaj 2000 kv. m pad adnym dacham źbiarecca 300 katoŭ 40 parod, pieramožcy i pryziory šmatlikich nacyjanalnych i mižnarodnych konkursaŭ i prajektaŭ, a taksama najlepšyja katy, kotki i kacianiaty raznastajnych parod i afarbovak ad viadučych zavodčykaŭ z usich abłaściej Biełarusi i inšych krain.
Vas čakaje cikavaje i jarkaje padarožža ŭ dziŭny śviet katoŭ, zabaŭlalnaja šou-prahrama, aryhinalny interaktyŭ z katami, znajomstva i sełfi z sapraŭdnym Češyrskim katom — talismanam vystavy, konkursy i pryjemnyja siurpryzy dla hledačoŭ!
U vialikaj prahramie vystavy:
- zajmalny pakaz udzielnikaŭ,
- prezientacyja redkich i ekzatyčnych parod katoŭ,
- šmatlikija rynhi i šou darosłych katoŭ i košak, junijoraŭ i kacianiat,
- konkurs pryhažości «Mistar Kot i mis Koška»,
- prezientacyja elitnych katoŭ, čempijonaŭ śvietu i Jeŭropy,
- cikavyja majstar-kłasy pa parodach kotak ad ekśpiertaŭ-fielinołahaŭ,
- śviatočnaja zabaŭlalnaja prahrama dla hledačoŭ,
- vybar najlepšaha kata vystavy, uładalnika Hran-pry 2023 hoda;
- bebi-sałon kacianiat — mahčymaść znajści sabie puchnataje ščaście.
