Hadavaja inflacyja ŭ mai pamienšała da 3,7%
Pavodle infarmacyi Biełstata, indeks spažyvieckich cen na tavary i pasłuhi ŭ mai ŭ paraŭnańni z krasavikom skłaŭ 99,7%, a sa śniežniem 2022-ha — 102,7%. Miesiacam raniej hadavaja inflacyja była na ŭzroŭni 4,7%, piša Office Life.
Za hod charčovyja tavary padaraželi na 4,4%. U krasaviku hety pakazčyk byŭ 6,1%. Pa niecharčovych tavarach inflacyja akazałasia na ŭzroŭni 0,5%, choć jašče ŭ krasaviku była 1,6%.
Što tyčycca pasłuh, to ŭ krasaviku hadavaja inflacyja dla ich była 6,6%, a ŭ mai — 6,9%.
Za miesiac z praduktaŭ bolš za ŭsio padaražeła sadavina — na 2,4%, pry hetym harodnina patańnieła ŭ canie amal na 21%.
Ź niecharčovych tavaraŭ na 3,1% vyraśli ceńniki na dyvany, adnačasova źnizilisia na 1,6% na televizary.
U pasłuhach adrazu na 8,5% padaražeŭ čyhunačny transpart i na 0,8% patańnieli turystyčnyja pasłuhi.
Čytajcie taksama:
Źmianili pastanovu ab rehulavańni cen
Biełaruskaja ekanomika ŭ 2023-m moža daciahnuć da ŭzroŭniu 2019 hoda, a moža i nie daciahnuć
