Pieršaja jeŭrapiejskaja kraina spyniła pracu pasolstva ŭ Rasii
Ab prypynieńni z 1 žniŭnia pracy pasolstva ŭ Maskvie abviaściła ministarka zamiežnych spraŭ Isłandyi.
Fota: facebook.com / IcelandinMoscow
«Heta niaprostaje rašeńnie, bo Isłandyja padtrymlivaje bahatyja adnosiny z narodam Rasii z momantu zdabyćcia nami niezaležnaści ŭ 1944 hodzie. Adnak ciapierašniaja situacyja prosta nie dazvalaje nievialikaj dypłamatyčnaj słužbie Isłandyi mieć ambasadu ŭ Rasii», — skazała kiraŭnica isłandskaha MZS Tordzis Hilfadocir.
Usiaho ŭ Isłandyi 18 pasolstvaŭ pa ŭsim śviecie. U Maskvie kraina adčyniła pradstaŭnictva ŭ 1944 hodzie, ale ŭžo začyniała jaho ŭ apošnija hady kiravańnia Iosifa Stalina — u 1951—1953 hh.
Isłandyja stała pieršaj krainaj, jakaja spyniła pracu pasolstva ŭ Rasii. Akramia taho, u kancy maja Hiermanija abviaściła ab zakryćci troch ź piaci svaich konsulstvaŭ u Rasii, a taksama amal usich rasijskich hienkonsulstvaŭ u FRH.
Čytajcie taksama:
